Matthieu 4:24 - New Testament in Mitsogo

²⁴ Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Matthieu 4:24 Iomraidhean Croise

Matthieu 12:22

Oma amaviga na môma na gôndé Jésus. Môma nône amabaka na pogu na ôbôbô gôébégô amabaka na gédidi gébévani. Jésus amadôngéda môma nône na angô amavovo na ameena.

Matthieu 14:1

Gô ndéô nene Hérode, amatôma tsenge ééndô mbe Galilée. Amookô kumane éaJésus.

Matthieu 15:22

Gômabaka môgeto, môsi Canaan amadigaa g’ôgenda gô tsenge nene. Môgeto nône amaviga na gôndé Jésus gôémôgondo mbe: Môékédi, éwe Muana aDavid, eena me ngeba. Muanami amôgeto asaba buedi, andé na gédidi gébévani.

Matthieu 17:15

Amamôgondo mbe: Ah Kumu. Eena muanami ngebe, andé n’ebeea éatsiiga. Kuka yetso vatsôpu angô na éangô, buéyé mbe andé va soto, abékaméa na gô soto, buéyé mbe andé va mbéyi, akuyaméa.

Matthieu 17:18

Jésus amakangéa gédidi gébévani gémabaka gôndé muanee, na sangô gémakusa. Tsina na tsina muanee amadônga.

Matthieu 4:23

Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Matthieu 8:28

Jésus amabuéa gô dipo tsényé yamubu gô tsenge émadigaa Agadarénien. Amôgôô abaé amadigaaka gô tungu éangii amaviga na vandé Jésus. Omee ane amabaka n’edidi ébévani éadibagaa. N’akaô asiôngôé éôta gô tungune émabakahngô.

Matthieu 8:33

Akeneyi anguduye amabusuga tungu nene amayavôga ékea na gô mbôka gôénigôa akôa tsangône gamakusédu amôgôôe abaé ane édidie ébévani.

Matthieu 8:6

Môyanzi ami andé gô eba yama v’ekoko. Otôe wedi ôkati. Ookô ti pievia épôni.

Matthieu 9:26

Tsangône émapaa gô tsengene nyetso.

Matthieu 9:35

Jésus amakea éva n’eva amoota gô mbôkaye yetso na gô misengemie mietso. Ameekéda gô yeba yaô yewanyéô na amanigôa Tsangô Eamôsôba éokumu aNzambé. Amadôngéda minongo mietso miamabeea na miadipôpéa.

Marc 1:28

Tsina na tsina tsangô éenyangedi ématsanzabana gô Galilée nyetso.

Marc 1:32

Na dikoo kômbéne émapénda, abeeyie muetso n’oma ahmatômu na édidi ébévani ahmatsuaô na gôndé Jésus.

Marc 2:3

Avo oma ahmaviga na gôndé Jésus ahmatsua môbeeyi amakata éeyo. Môbeene ône amatsuaô n’oma anayi.

Marc 2:4

Ahsiôngôé éwesea na gôndé Jésus, oma ayekani ahmabaka vangô. Ahmatuba môahnzee eba va tsimatsima na vandé Jésus. Gô épôdékée éne ahmasuméda môbeene andé yama gô gékakage.

Marc 2:9

?Gô mabégô mema mabaé, éne ésadaga évovoni yééni? Okô neenda mbe ébévee éoo ésingéiyô kokoo. Vo neenda mbe timôga, bongo gétava soo, kiaka na makôdô moo. ?Ene ésadaga évovoni yééni?

LUC TSANGO EAMOSOBA EMATENDA 2:2

Gétendanéô gegé samapanga gémeendô gô ndéône émabaka Quirinius môtômi aSyrie.

LUC TSANGO EAMOSOBA EMATENDA 4:14

Jésus amanika na gô Galilée. Amabaka na môtémedi ômayôa na ngudi yetso yaGédidi SaNzambé. Tsangône yedi ématsanzabana tsengene nyetso.

LUC TSANGO EAMOSOBA EMATENDA 4:38

Jésus amanôtôga gô eba agéwanyéô gôékea na gô eba aSimon. Ogoyi aSimon, yeene amôgayedi, amabeea nzônzônzô. Amabambéa Jésus gôémôdôngéda.

LUC TSANGO EAMOSOBA EMATENDA 5:15

Buéyé gamadékéda Jésus oma nane, kumane yedi ématsanzabana tsengene nyetso. Oma ayekani amakôvana gôéôkô gameekédangô na gôédôngédu omee waô amabeeani.

LUC TSANGO EAMOSOBA EMATENDA 5:24

Ivô nanyôngéô étubéda anye mbe me Muana Amôma nandé n’enyanga gô tsina éva gôésingéa oma kokoo gô ébévee éaô. Vane Jésus amavovo na môbeene mbe: Me natôma éwe mbe: Timôga, bongo gétava soo. Kiaka na gô eboo.

LUC TSANGO EAMOSOBA EMATENDA 7:17

Tsangô éamane mamayanza Jésus émapaa gô tsengene éaJudée nyetso na gô dipo tsenge dimabambana na Judée.

Jean 10:21

Akaô avo amakina mbe: Aé, kaka nane. Môma andé na gédidi gébévani asoongôa évovo nane. ?Gédidi gébévani géndé na ngudi yedôngéda môsi pogu-a? Gésangoongôa.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 15:23

Ameetsô gésangô mbe: Keani na sangô. Gématendu mbe: We tônôkômbôani te peeye yambumu éaNzambé na we tômasevouni na tômatômukuni tôndé ana aTétee n’anyô. Te we tôtendea anye nôsibôtu gô éongo éAjuif nôdigaa gô Antioche na Syrie na Cilicie.

Mayanzame 15:41

Ahmakitsangana tsengeye yaSyrie na Cilicie gôéseta asi mbumu éaNzambé na gôéoodeda ahngô gô Mane Mamavovo Nzambé.

Mayanzame 28:9

Na vane abeeyie muetso amabaka gô néngéne amaviga na amadôngédu.

Mayanzame 8:7

Buéyé na édidi ébévani émaamugana na émakusa gôndé oma amatsôpu na mbeego na éangô. Pingô oma amabeeani, na ane amakataka yôtôye, n’ane amabaka ékonzo, amadôngédu.