Matthieu 4:23 - New Testament in Mitsogo

²³ Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Matthieu 4:23 Iomraidhean Croise

Matthieu 11:5

Nigôani angô geeni anye mbe asi pogu eena, na ékonzo akea na makôdô manguene, n’asi ébeea éagega adôngi, na asi ndiba ookô, na ane awakini akundugi, na misuga miikédu Tsangô Eamôsôba.

Matthieu 12:9

Jésus amatimôga gô tungu nene gôékea na gô ôvo eba agéwanyéô.

Matthieu 13:19

Ane ookô veekédu mabégô mokumu aNzambé, na ahngô asanigôgéô mangô agono na totone éagô kôbangô anzéa émaaga mibie. Satan aviga gôéwata gô mitéma miaô mane mookiô ahngô.

Matthieu 13:54

Amakea na gô môsenge ômoongôgangô. Ameekéda gô eba agéwanyéô ômaba wangô. Ane amadenganôni amookô angô eekéda, amatsapéô. Ahmavovo mbe: ?O mônongo éodo éviga gôni? ?Ngudiye ditsigéda mabégôme manyônganéôni masoongôa môma énigôa, diviga gôni?

Matthieu 14:14

Vamasutuméa Jésus gô mbôngône, amadenga géômbé gévôni. Ameena ahngô ngeba na amadôngéda abeeyie amaviga n’ahngô.

Matthieu 24:14

Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 9:35

Jésus amakea éva n’eva amoota gô mbôkaye yetso na gô misengemie mietso. Ameekéda gô yeba yaô yewanyéô na amanigôa Tsangô Eamôsôba éokumu aNzambé. Amadôngéda minongo mietso miamabeea na miadipôpéa.

Marc 1:14

Jean ameengédu gô eba atsôgôô. Jésus amakea na gô Galilée gôéékéda Tsangô Eamôsôba émaviga gôndé Nzambé.

Marc 1:21

Ahmakea na gô môsenge ôéndô mbe Capernaüm. Gô nyee edunda Jésus asidingé ékea na gô eba agéwanyéô sAjuif. Gômeengéa angô, ameekéda.

Marc 1:39

Amakea éékéda gô yebaye yewanyéô éAjuif gô Galilée wetso na amakuséda édidi ébévani gôndé oma.

Marc 3:10

Vamookô oma mbe Jésus adôngéda oma ayekani ahmagagana nzéane gôémôgônga gôébuta édôngédu.

Marc 6:2

Gô nyee edunda ameekéda gô eba agéwanyéô sAjuif. Ayekani amookôni amasôbasôbana mbe: ?Oô mômôgôô aviga gôni na ôô mônongo amabégô? ?Oô môma amenya mane mabégô vita nayee? ?Ngudiye ditsigéda mabégôme manyônganéôni masoongôa môma énigôa, dindé nayee?

Marc 6:6

Jésus amasôbasôbana mbe: ?Omeaa agétsumaka me paga nane nayee? Vane Jésus amakea éékéda gô dipo mbôka yagô kôbangô.

LUC TSANGO EAMOSOBA EMATENDA 10:9

Dôngédani ane angadenganye abeeani. Nigôani kumu yambôka mbe: Okumu aNzambé ôweseyi na gôndé anye.

LUC TSANGO EAMOSOBA EMATENDA 13:10

Nyee edunda Jésus ameekéda gô eba agéwanyéô.

LUC TSANGO EAMOSOBA EMATENDA 16:16

Bandôa na Moïse ngu na Jean-Baptiste, te mipuma miyekani mimaneegedu mige miaNzambé mimatôtsikéô na Moïse. Mipuma miyekani dôta mimaneegedu matendeo mapandôédi amatasa maNzambé. Ene ngékô épo. Epo ngékô ébandôa gô ndéô éaJean-Baptiste. Gô ngékô nedué étondéni, Tsangô Eamôsôba éokumu aNzambé éôkanô. Muetso agémbana môma na môma gôéengéa g’ôkumue ône.

LUC TSANGO EAMOSOBA EMATENDA 20:1

Nyovo Jésus ameekéda oma gô eba aNzambé Tsangô Eamôsôba. Tsesu yadeekedi adigondoku, n’anigôi amige miaNzambé, na peeye yAjuif amaviga na gôndé angô.

LUC TSANGO EAMOSOBA EMATENDA 4:14

Jésus amanika na gô Galilée. Amabaka na môtémedi ômayôa na ngudi yetso yaGédidi SaNzambé. Tsangône yedi ématsanzabana tsengene nyetso.

LUC TSANGO EAMOSOBA EMATENDA 5:17

Nyovo Jésus amabaka gôéékéda. Apharisien na évovie amaviga gô mbôkaye yetso yagô tsenge ditetu mbe Galilée na Judée, buéyé na dine yagô Jérusalem amadenganô digaa va kôbangô aJésus. Ngudi yaNzambé dimabaka na Jésus gôédôngéda ane amabeeani.

LUC TSANGO EAMOSOBA EMATENDA 6:17

Jésus n’aneengi edi nzima n’abaé amasuma gô môkôdie gôébuéa na gô tungu éagéndamba. Gône amadengana n’avo aneengi ayekani. Vamabaka dôta na pingô yoma amaviga gô tsengene nyetso éaJudée na misenge miaJérusalem na Tyr na Sidon.

LUC TSANGO EAMOSOBA EMATENDA 6:6

Ovo enyaa edunda, Jésus ameengéa na gô eba agéwanyéô gôéékéda. Wangô amadenga mômôgôô andé n’ogogo ômôgôô ômasombegani.

LUC TSANGO EAMOSOBA EMATENDA 7:21

Vamatsigahngô gôéévôa Jésus nane, amamôdenga andé gôédôngéda oma ayekani amabaka na mabeea maô na pievia yaô. Amabaka dôta gôépatsa édidi ébévani na gôédôngéda asi pogu.

LUC TSANGO EAMOSOBA EMATENDA 7:22

Jésus amaabéa ane amakudéguku na Jean mbe: Nikani na gôndé Jean. Nôkenigôa mane mookiô anye na mane meeni anye. Nigôéni angô geeni anye mbe asi pogu eena, na ékonzo akea na makôdô manguene, na asi ébeea éagega adôngi na asi ndiba ookô, na ane awakini akundugi, na misuga miikédu Tsangô Eamôsôba.

LUC TSANGO EAMOSOBA EMATENDA 8:1

Jésus amakea gô misenge na gô mbôkaye gôéékéda Tsangô Eamôsôba éokumu aNzambé. Aneengi edi nzima n’abaé amakea n’edi.

LUC TSANGO EAMOSOBA EMATENDA 9:11

Ivô oma ayekani amamenya tungune émakeahngô na amamôaanda. Jésus asipatsé ahngô. Ameekéda mabégô mokumu aNzambé na amadôngéda ane amabaka na mabeea.

LUC TSANGO EAMOSOBA EMATENDA 9:60

Ivô Jésus amamônikéda mbe: Ane amawani agunyédéké kinde yaô anguene, ivô éwe, kiaka ikéda oma Mabégô Mokumu aNzambé.

Jean 18:20

Jésus amamônigôa mbe: Mane mameekéda me, namamavovo v’ekanga va mbene oma muetso. Nameekéda mangô kuka yetso gô yeba yewanyéô na gô yeba yaNzambé gôwanya Ajuif muetso. Me tsivové éav’esooe.

Jean 6:59

Jésus amanigôa oma mabégô mema vameekédangô gô eba agéwanyéô sAjuif gô Capernaüm.

Jean 7:1

Gô ndéô nene, Jésus amaseta tsengene éaGalilée. Asisete éne éaJudée gôébégô peeye yAjuif amanyôngéô émôyôha.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Mayanzame 18:4

Pitsi yetso yedunda Paul amatema gô eba agéwanyéô sAjuif gôéékéda. Amanyôngéô ékoa matasa mAjuif na mAgrec mbe asinga Jésus.

Mayanzame 20:25

Me namoota va gatse anyô gôéékéda mabégô mokumu aNzambé. Menyani mbe nôsangadôomba éena ôsôe wami éva.

Mayanzame 28:31

Ameekéda na bôkédé ôvôni mabégô mokumu aNzambé. Amanigôa Tsangô éaKumu Jésus-Christ gédékédu na môma.

Romains 10:15

?Tsangône énganigôganéô nayee? môékédi gékudégu na wangô. Te ganigôa Matendeo MaNzambé mbe: Matambé mayeta ône atsua Tsangô Eamôsôba éaGétabé saNzambé, manyepa.