Matthieu 4:13 - New Testament in Mitsogo

¹³ Jésus amanôtôga gô Nazareth na amaviga gôédigaa gô môsenge ôtetu mbe Capernaüm, vapévapé na mubu ôtetu mbe Galilée éndé gô tsengeye diindô mbe Zabulon na Nephtali.

Matthieu 4:13 Iomraidhean Croise

Matthieu 11:23

N’anye asi Capernaüm, tambô anye nôabatéda anyene mbe we tôôtéa oma muetso, we tôsaba oma abévani. Anye nôngasugédu gôésisédu gô mungu asoto. Mayanza mami mamisôba mayanzi me va gatse anyô mbe namayanziki gôndé asi Sodome, ahngô na mbôkane éaô mbe andéké ngu na deo noo.

Matthieu 17:24

Jésus n’aneengi edi amabuéa gô Capernaüm. Môbongi adepu évanôkô gô eba aNzambé amawesea na vandé Pierre gôémôévôa mbe: ?Tambô môékédine wanyô asavanaka depune eba aNzambé‐a?

Matthieu 4:14

Jésus amakea na wangô gôédugéda mabégô mamavovo Esaïe, môpandôédie amatasa maNzambé. Esaïe mbe:

Matthieu 4:15

Asi tsenge aZabulon, na dôta asi tsenge aNephtali, Gô nzéa éamôgôgu amubu, gô dipo tsényé yaJourdain, na gô Galilée gôdigaa ane asaba Ajuif,

Matthieu 9:1

Jésus amapeka gô mbôngône gôénika éabôga mubue. Amanika na gô mbôkedi.

Marc 1:21

Ahmakea na gô môsenge ôéndô mbe Capernaüm. Gô nyee edunda Jésus asidingé ékea na gô eba agéwanyéô sAjuif. Gômeengéa angô, ameekéda.

Marc 2:1

Vamoota ôkana apitsi, Jésus amanika na gô Capernaüm. Gômookanô mbe Jésus andé te gô ebee égô.

LUC TSANGO EAMOSOBA EMATENDA 10:15

Na anye asi Capernaüm, tambô anye nôabatéda anyene mbe: We tôôtéa oma muetso we tôsaba oma abévani. Anye nôngasugédu gôésisédu gô mungu asoto.

LUC TSANGO EAMOSOBA EMATENDA 4:23

Jésus amaabéa ahngô mbe: Mavooe nôngagunya me tsava gatôvovo mbe: Môbôgine, panga éadôngéda ômuene. N’anye mavooe nôngeenda me mbe: Tômani éôkô metso mamayanzewe gô Capernaüm. Tambô indaka mangô mônogovo gô mbôkane yoo émabôtu éwe, tôena mangô.

Jean 2:12

Va mbenene vane, Jésus amakea na yeedi, n’adimi edi, n’aneengie na gô mbôkane ééndô mbe Capernaüm. Asidingé wangô. Amamana ôkana apitsi.

Jean 4:46

Jésus amatsiga gô Cana. Te mbôkane émakoangô mebame maka maduku gô ndéône éasueti éayômba. Wangô gômabaka môma môvôni okumaka, môtômi atsenge. Muanedi amômôgôô amabaka na beeaga gô mbôka ééndô mbe Capernaüm.

Jean 6:17

Amapeka gô mbôngône na amamitenoa gôéabôga mubue na gô Capernaüm. Emabaka te g’ôka évitsi. Jésus asibaké n’ahngô.

Jean 6:24

Géômbége gémabono mbôngône ivô asiene Jésus n’aneengie wangô. Vane oma amapeka gô mbôngôye gôéabôga na gô Capernaüm gôébuta Jésus.

Jean 6:59

Jésus amanigôa oma mabégô mema vameekédangô gô eba agéwanyéô sAjuif gô Capernaüm.