Matthieu 4:10 - New Testament in Mitsogo

¹⁰ Vane Jésus amamônikéda mbe: Satan, nôtôga vane. Matendeo MaNzambé matôbeenda mbe: Neegeda Kumu Nzambé éoo na ôyanzéa te angô môtévo.

Matthieu 4:10 Iomraidhean Croise

Matthieu 16:23

Ivô Jésus amanikéda miso na amakangéa Pierre mbe: Nôtôga na gôdagôda n’ami Satan. Onyôngéô ébôméda me gôéénda ébégô ébévani. Ewe ôsatasa éne ényôngéô Nzambé. Otasa te éne ényôngéô oma.

Marc 1:13

Jésus amadigaa wangô nzima dinayi yapitsi. Amakanégu na Satan. Jésus amaba va gatse anyama yagô pindi. Asi g’ôba amavigédu na Nzambé gôémôodeda.

LUC TSANGO EAMOSOBA EMATENDA 10:18

Jésus amanigôa ahngô mbe: Me nameena Satan amaaga g’ôba ga môkadikadi.

LUC TSANGO EAMOSOBA EMATENDA 11:18

Okô Satan agenya gô mane maamuene, ôkumue wedi ?ôngadôôkanô nayee? Anye nôénda mbe: Jésus akuséda édidi ébévani gôndé oma te gômeetsô angô ngudi na Béelzébul.

LUC TSANGO EAMOSOBA EMATENDA 13:16

Na môgetone ôdôô te muana aAbraham amadinga gô gésengoge gémakatô angô na Satan môsingi nzima n’ema génana. ?Tambô gôétsôbôa angô gésengoge gô nyee edunda, ébévi-a?

LUC TSANGO EAMOSOBA EMATENDA 22:3

Vane Satan ameengéa gô môtéma aJudas eendô mbe Iscariote. Amabaka gô géômbé sanzima n’aneengi abaé.

LUC TSANGO EAMOSOBA EMATENDA 22:31

Kumu Jésus ameenda mbe: Simon, Simon. Satan aduki me éwe gôéginya éwe mônongovo gaginyô géétété na gékunga gôébôkôa sangô.

LUC TSANGO EAMOSOBA EMATENDA 4:8

Jésus amamôsiia mbe: Matendeo MaNzambé matôbeenda mbe: Neegeda Kumu Nzambé éoo, na ôyanzéa te angô môtévo.

Jean 13:27

Vamedeka Judas gébéndékége géne, Satan ameengéa gô môtémedi. Jésus amavovo n’edi mbe: Ene éndé n’ewe gôéénda, suméaka indaga.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Mayanzame 5:3

Pierre amavovo n’edi mbe: ?Ewe Ananias ôsingi Satan atôma môtémoo gôépatéa Gédidi SaNzambé nayee? ?Osuégi ôvo ôkabô adode dimakusa gô tsaga yanyô nayee?

I Corinthiens 5:5

Buedi gôénzeegeda mômôgôô nône akusa va gatse anyô na gô mogo maSatan gôésisédu g’ôtô gômbe gédidi sedi géngoobou gô nyee ôngaviga Kumu asô n’anyô Jésus.

I Corinthiens 7:5

Nômbiakinana anyene n’anyene. Buétsé te nôvanga anyene abaé g’ôtangô apitsi mbe: Tsanyôngéô éyungédu na mane matasa nandé gôévovo na Nzambé pitsi yedi. Na va mbene ene nikéani égésangana kabaga nôsoongôa ébibéda na kabaga nôkuéa gô éne éngakanégu anye na Satan.

II Corinthiens 11:14

Tôsoongôa étsapéô gô mônongoe waô. Amuene Satan avéngôga aka ga môsi g’ôba n’obébayi ti eembe aNzambé, gôébôméda oma.

II Corinthiens 12:7

Gômatsutsuédu me na Nzambé mabégô mavôni mav’esooe maseenanô n’oma ayekani, Nzambé asanyôngéô mbe nabé na nyemo gô mangô. T’ebangô nameetsô g’ôtô ami ébeea éapievia étsoko me ga tséndé éviga gôndé Satan gôétubéda me panda na ésugéda me kabaga naba na nyemo.

II Corinthiens 2:11

Tôsingé môma kokoo te kabaga Satan atôdiia. Tôsabômu minongomie mibuta Satan éyungéda wa n’anyô gôétôdiia.

Jacques 4:7

Sugédani anyene va mbene aNzambé. Kékôani mane mayabédé na angakôndangana na gôdagôda n’anye.

I Pierre 5:9

Gôméani yabédé kabaga awesea na gôndé anye. Menyani mbe maguga meenanye te mane matubédu ana aTétee n’anyô gô tsengeye yetso.