Matthieu 3:9 - New Testament in Mitsogo

⁹ Anye nôanyepeda anyene mbe: we te ana aAbraham. Nônatasa gô éne. Okô Nzambé anyôngéyiô ana aAbraham, andé na ngudi yekoa mataé mema maka ana aAbraham.

Matthieu 3:9 Iomraidhean Croise

Marc 7:21

Ti gô gatse, gô môtéma amôma gôkusa matasa mabévani matindéga môma gôéénda éne ébévani; eesua, ayôha, akea gésasô,

LUC TSANGO EAMOSOBA EMATENDA 12:17

Gékiti amasôbasôbana gô môtémedi mbe: ?Nangeenda nayee? Gôsabadô tungu gôésuéga môyakôe ôviga gô tsaga yami.

LUC TSANGO EAMOSOBA EMATENDA 16:24

Amaadôngana mbe: Téta Abraham, eena me ngeba. Tôma Lazare atsuété tsene éamôsavie edi gô meba gôévôgiméda ômenie ami. Me neena maguga magéndégégé gô soto gegé.

LUC TSANGO EAMOSOBA EMATENDA 19:40

Jésus amavovo mbe: Nanôbeenda na gô pie mbe ôkô adua asibubua, nôngookô mataé maadôngana.

LUC TSANGO EAMOSOBA EMATENDA 3:8

Gabôta géétété samôsôba miônda miedi miamisôba anye tubédani ésima éamisôba gôémenyanganô mbe nômakoa mitéma gôéba wene mônongo oma. Anye nôanyepeda anyene mbe we te ana aAbraham. Nônatasa gô éne. Okô Nzambé anyôngéyiô éyekeda ana aAbraham, andé na ngudi yekoa mataé mema maka ana aAbraham.

LUC TSANGO EAMOSOBA EMATENDA 5:22

Jésus amamenya mabégô metso mamatasa ahngô gô tsina yamitéma miaô na ameevôa ahngô mbe: ?Nôndé n’one mônongo amitéma nayee?

LUC TSANGO EAMOSOBA EMATENDA 7:39

Môpharisien, kumu eba amabono te bonogo. Na amatasa gô tsina amôtémedi mbe: Okô mbe ôdôô te na gô pie môpandôédi amatasa maNzambé, angamenya mbe môgetone oovôa makôdôme medi ôdôô, te môgeto môbévani.

Jean 8:33

Ajuif amatôna mbe: We kaka avéga. We te ana aAbraham na we tôsookô mbe tômadigaa g’ôvéga. ?Oénda we mbe: nôngoobou g’ôvéga nayee?

Jean 8:37

Me tsabômu mbe anye te ana aAbraham. Ivô anye nôbuta éyôha me te gasasinganye mane meekéda me.

Jean 8:53

Tétasô Abraham amawa. ?Omenya mbe éwe ootéa n’okumaka na tétsô Abrahamma? Apandôédi amatasa maNzambé, ahngô oma avôni, amawa. ?Ewe vita ôakanéga ga ndaa?

Mayanzame 13:26

Amôgôô, ana aTétee n’ami ana aAbraham, n’anye muetso nôneegeda Nzambé na gomo. Mabégôme mane magéobogeo mamakudégu gôndé wa n’anyô.

Mayanzame 15:14

Simon Pierre atônigôi mbe bandôa v’ebandô Nzambé amakenea ane asaba Ajuif gôésevoa omedi va gatse aô.

Romains 4:1

?Gôndé tétene éasô n’anyô Abraham tôena nayee? Gô mane magô ôtôe wedi amadiia ndé?