Matthieu 3:7 - New Testament in Mitsogo

⁷ Vameena Jean pingô yApharisien na yAsadducéen ahviga gôébatésu, amavovo n’ahngô mbe: Anye nôgono na mbigé. ?Nômenya mbe nôngabusuga ôpisa aNzambé ôvigani‐a? ?Nôékédu nane na ndaa?

Matthieu 3:7 Iomraidhean Croise

Matthieu 12:24

Ivô vamookô Apharisien nane, amasupua géômbége mbe: One akuséda édidi ébévani gôndé oma te gôéétsô angô ngudi na Béelzébul, môtômine edidi ébévani.

Matthieu 12:34

Anye nôndé ga mbigé. Nôndé na mavovia mamisôba tambô nôndé ti oma abévani. Menyani mbe éne éndé gô môtéma ékusa te gô mônya.

Matthieu 15:12

Vane aneengi aJésus amaviga na vandé angô na amamôévôa mbe: ?Kumu ômenya mbe Apharisien amanyôngéô gamavovo éwe nane‐a? Asinyôngéô. Ahmookô ti tsoyi.

Matthieu 16:1

Apharisien na Asadducéen amaviga na gôndé Jésus gôémôkanéga na mavovia maô. Ahngô mbe: Tônyôngéô éena gémbégéa gétubéda mbe ngudi yoo diviga gôndé Nzambé.

Matthieu 16:6

Jésus amakeneda ahngô gô tsava mbe: Nôwema. Baani n’ekena gô levure éApharisien na gô levure éAsadducéen.

Matthieu 22:15

Apharisien amavanga gépangô gôétambéa Jésus pago na nyivô gôémôkubéda.

Matthieu 22:23

Nyoone, avo Asadducéen ahmaviga na gôndé Jésus. (Asadducéen te asi gésôgage géékéda mbe ane amawani asangakunduga.) Ahmeevôa Jésus mbe:

Matthieu 22:34

Apharisien amookô mbe Jésus amatseda Asadducéen. Na asadducéen asibubuédô miônya miaô. Vane te Apharisien amavanga pangô.

Matthieu 23:33

Anye te ti gandé nyogoye. Nôgono na mbigé. Anye nôndé n’etasa mbe: We tôsangakea gôébungana. ?Nôngabusuga mungu asoto nayee?

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

Marc 12:13

Apharisien n’avo ava géômbé saHérode ahmaviga na gôndé Jésus. Ahmatatôu n’akaô gôétambéa Jésus pagô na nyivô gôémôkubéda.

Marc 12:18

Avo Asadducéen ahmaviga na gôndé Jésus. (Asadducéen te asi gésôga géékéda mbe ane amawani asangakunduga.) Ahmeevôa Jésus mbe:

Marc 8:15

Jésus amakeneda ahngô gô tsava mbe: Nôwema, baani n’ekena gô levure éApharisien na gô levure éaHérode.

LUC TSANGO EAMOSOBA EMATENDA 16:14

Apharisien amookô meekédu maJésus mokiti. Amamôdeta gôébégô anguene amootéa éba n’onzôô okitie.

LUC TSANGO EAMOSOBA EMATENDA 18:11

Môpharisien amatema môtie gôévovo na Nzambé mbe: Ah Nzambé, me nagôkuméda mbe tsaba gandé avo oma eesuani, na asaba n’etsimama, na akea gésasô. Me dôta tsaba gandé môbongine adepu ôdôô.

LUC TSANGO EAMOSOBA EMATENDA 7:30

Apharisien n’evovie amakékôa éne émakônzéô ahngô na Nzambé. Amakina éétsô bateme na Jean.

Jean 1:24

Va gatse ane amakudégu gôéévôa Jean mabégôme gômadenganô na Apharisien.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Jean 9:40

Avo Apharisien amadenganô wangô amookô gamavovo Jésus. Amamôévôa mbe: ?Na we dôta te asi pogu-a?

Mayanzame 15:5

Va gatse aô gômabaka Apharisien ameetsa Jésus mitémamie. Amatimôga gôévovo mbe: Gôndé ane ameetsa Jésus mitémamie, ane asaba Ajuif, buedi mbe agobeda migemie n’esôgee éetso ématsikéô wa n’anyô na Moïse. Buedi dôta mbe ageetu, te geetugu.

Mayanzame 20:31

Bakani n’ekena. Menyani mbe me gô mipuma mitatô na pitsi n’omanda me tsidunda énôévéda môma na môma. Nameevéda na namadéa na keba te gôndé anye.

Mayanzame 26:5

Ajuif amenya me. Anguene andé na ngudi yegônigôa gameengéa me gô gésôga sagébé na ngeba, te géné sagéômbé sApharisien.

Mayanzame 5:17

Vane pene adeekedi adigondoku na géômbé sAsadducéen ahmeena ane amatômukuni ngusu. Ahmavangéa ahngô gépangô.

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Romains 5:9

Gô ngudi yowa aJésus, wa n’anyô tôka gébé n’oési va mbene aNzambé. Na va ngongone vane, atôyuua g’ôpisa aNzambé.

1 Thessaloniciens 1:10

Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.

Hébreux 11:7

Noé ameetsa Nzambé môtémedi wetso na asitsumé meevédéô maNzambé paga. Buéyé mbe gamabakangô madeo asiena éne émavovo Nzambé mbe éngabuéa, Noé amasaa mbôngône. Angô na gévia sedi amoobou. Gôsibé Noé na paga, mitayimie mimeetsô angô na Nzambé mimeeséda oma muetso. Gôsitsumé angô Nzambé paga, Noé ameetsô n’edi ôséngu.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.