Matthieu 3:6 - New Testament in Mitsogo

⁶ Gô mabégô maô mabévani môma na môma ameeséda amuene va pingô yoma na amadiia bateme gô mbéne étetu mbe Jourdain.

Matthieu 3:6 Iomraidhean Croise

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Marc 1:5

Asi Judée muetso n’asi Jérusalem muetso ahmakiaka na gôndé Jean. Gô ébévee éaô môma na môma ameeséda amuene va pingô oma na amadiia bateme gô mbéne étetu mbe Jourdain.

LUC TSANGO EAMOSOBA EMATENDA 1:16

Angatévéda ana aIsraël ayekani nzéane na gôndé Nzambé, Kumune éaô.

LUC TSANGO EAMOSOBA EMATENDA 3:16

Vane Jean amanigôa ahngô mbe: Me nanôbatésa na meba. Ivô va ngimami gôngaviga muene na ngudi yedi diôtéa dine yami. Me te gétôkôtôkô. Angô te môtsé. Gétôkôtôkô ôgoeyee géôté môtsé. Ivô tsaba pengo gétôkôtôkô. Nandé ti gô tsina asangô. Anganôbatésa na Gédidi SaNzambé na soto.

Mayanzame 1:5

Na gô pie Jean amanôbatésa na meba, ivô vangoota pesu andéô Nzambé anganôbatésa na Gédidi Sedi.

Mayanzame 11:16

Vane te vamabangôa me éne émavovo Kumu Jésus mbe: Jean amanôbatésa na meba. Géé me, nanganôbatésa na Gédidi SaNzambé.

Mayanzame 19:18

Va gatse ane ameetsa Jésus mitéma miaô na mbeego ayekani amatsika tsoyine yaô na gomoe waô gôénigôa va mbene amuetso mbe: Me dôta môvo nameetsa Jésus môtéma.

Mayanzame 22:16

Tambô ômbiadinga. ?Oenéa ndé? Timôga. Buedi mbe ôétsô bateme na ôbambéa ina aKumu Jésus gôégôgédu ébévee éoo.

I Corinthiens 10:2

G’ôbôngé na gô mubu ahmeenaméa muetso ga batemene émeetsô ahngô kukepo na Moïse môtômine waô.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

Hébreux 6:2

Na meekédume mabatemeye na mane magétsakégéô samogome. Na mbe mabégô magékundugéô sane amawani, na môtsundu amôbô na môbô aNzambé.

Hébreux 9:10

Gô évambee éambeego éne, gômadenganô mabégô mamiyakô na mane manyuôni, na mane meesôga gôégôgéda môma na pingô yamige na mitôma. Oma amanyepedu va mbene aNzambé gô gékeneo samabégôme mane ngu na ndéône émaviga Christ gôétôtubéda nyene nzéa.

Jacques 5:16

Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Jean 1:9

Okô tôtuba va mbene aNzambé mbe: Me te môma môbévani, na tôétséni angô mitémamie gôébégô tôsabômu mbe Nzambé te Kumu amavôma na gôndé wa n’anyô asapata, atôsingéa kokoo gô ébévee éasô n’anyô na atôgôgéda éangô.