Matthieu 28:2 - New Testament in Mitsogo

² Tsina na tsina tsinane ématatéa pepe. Môsi g’ôba amavigédu na Nzambé na amakandanganéda étaé na va kôbangô angiine. Amadigaa gô ngongo etaé.

Matthieu 28:2 Iomraidhean Croise

Matthieu 27:60

Amamôgunya gô ngiine éeduku éamôdungutu émasigédangô gô tsina amôkôdi amataé. Ngiine te éamuene Joseph émeendahngô mbe: Nangagunyu te gô yangô. Amakandanganéda étaé évôni gôékukéga ngiine, na amakea.

Matthieu 27:66

Amakea. Amananéga gémbégéa samôge amôtômi atsenge mbe: Nômbiabanda. Na migode mimatema gôékenea ngiine.

Jean 20:1

Pitsine éamapanga éatsono n’ongôngô na kué, Marie môsi Magdala amakea gôébuéa gô ngii. Ameena mbe étaé évôni émakukéguku ngiine éamôdungutu émakandanganédu na va kôgangô.

Mayanzame 16:26

Vamabahngô gôékuméda Nzambé, tsinane ématatéa pepe na émapupéda mikakamie na pogogoye yeba atsôgôô. Dikukéyé yetso dimapadéga na dimaba na vôô. Pangaye dimakatô asi gô tsôgôô dimapadéga.

Mayanzame 5:19

Na pitsi nene, môsi g’ôba amavigédu na Kumu Nzambé amasuma g’ôba na amakukua eba atsôgôô gôékuséda ane amatômukuni. Angô mbe:

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

Gétsutsuéô 11:19

Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.