Matthieu 27:2 - New Testament in Mitsogo

² Amakata Jésus gésengo na amakea n’edi na gôndé Pilate môtômine atsenge.

Matthieu 27:2 Iomraidhean Croise

Matthieu 20:19

Nangadeekedu na gôndé oma asavamba na Nzambé. Ahngô angadeta me. Angabita me na mibitô mievongo. Ahngabôkéda me va gésumu sowa. Va mbene apitsi dibaé, éne éamôtatô nangakunduga.

Matthieu 28:14

Okô môtômine atsenge ookiô tsangô nene, we avo tôndé na ngudi gôékônza n’edi ébégôe, na gôénôsungéa.

LUC TSANGO EAMOSOBA EMATENDA 13:1

Ndéô nene avo ahmaviga gôébeenda Jésus éne émabuéani mbe: Asi Galilée ahmabaka gôédeekeda digondoku yaô. Pilate amayôéda ahngô. Na nzina yaô dimagésangana na dine yadigondoku dimayôhuni.

LUC TSANGO EAMOSOBA EMATENDA 20:20

Ahmaanda Jésus gô bôvingô gôéôkô gavovo angô. Ahmatôma n’avo oma amaakuméda anguene mbe ahmisôba, gôékea diébô gôétambéa Jésus pagô na nyivô gôémôkubéda. Te gô mônongo ône amabuta étsua Jésus na gôndé asi ényanga, atômie atsenge.

LUC TSANGO EAMOSOBA EMATENDA 23:1

Muetso amatimôga na amakeda Jésus na vandé Pilate.

LUC TSANGO EAMOSOBA EMATENDA 23:12

Pilate na Hérode amabaka adudeo, ivô bandôa nyoone amavamba.

LUC TSANGO EAMOSOBA EMATENDA 3:1

Môtômine môvôni, Tibère amamana étôma tsengene nyetso gô nzima amipuma na mipuma mitayi. Gô tsina otômue wedi tsengene émakabô n’avo atômie. Ponce Pilate te môtômine agô Judée. Gô tsina otômue aPonce Pilate dôta te Hérode amatôma tsengene éaGalilée. Muanee ayeedi, Philippe amatôma tungu dibaé, Iturée na Trachonite. Môtômi agésa saAbilène te Lysanias.

Jean 18:12

Géômbé samigode na môtômine waô, na migôdemie dôta miAjuif mimatsôpa Jésus na mimamôkata mogome.

Jean 18:24

Anne amakudéga Jésus agébaka na podiye, na gôndé Caïphe, pene adeekedie muetso adigondoku.

Jean 18:28

Oma amanôtôga na Jésus gô eba aCaïphe, pene adeekedi adigondoku. Amakea n’edi na gô eba amôtômine atsenge atsundéda oma. Emabaka n’ôngôngôe wetso. Ajuif asiengéé anguene gô ebee ône kabaga ookua mige na kabaga asabôngama gôéaa suetine éaPâque.

Mayanzame 12:6

Vamoota Pâquene, te pitsine émabambana na nyoo ôngatsundédu Pierre na Hérode va mbene oma muetso. Pierre ameeboga vio va gatse amigode mibaé gô eba atsôgôô. Amabaka amakatô na panga dibaé. Avo akeneyi atsôgôô amabaka mitie va kôbangô ombee eba atsôgôô.

Mayanzame 21:33

Môtômine amawesea na gôndé Paul. Amamôtsôpéda. Amamôkatéda ésengo ébaé. Ameevôa oma mbe: ?Odôô ndaa? ?Eendi nayee?

Mayanzame 22:25

Vamakatô Paul gô éengô môtie gôébitô, amavovo na môgode mbe: ?Tambô anye nôndé n’enyanga gôébita môsi Rome, angô gétsundédu n’evovie-a?

Mayanzame 22:29

Tsina na tsina ane amabaka mbe abita Paul buta mbe anigôa éne émabaka n’edi, amakôngama na gomo vandé angô. Buéyé n’amuene môtômine ameena gomo gômabangôangô mbe, te me namôkatédi gésengo, angô Môromain.

Mayanzame 24:27

Mipuma mibaé mimoota te Paul andé gô eba atsôgôô. Amatsikô wangô na Félix, ône amanyôngéô étubéda Ajuif gényônga. Vamoota mipuma mibaé. Porcius Festus amaviagana n’enyangee émabaka na Félix.

Mayanzame 28:20

Nôeni ébégôe ééndi me mbe vigani nôviôkô éne éndé n’ami. Wa n’anyô ana aIsraël tôténdéda ône angavigani. Esengo ékatô me te gôndé angô.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Mayanzame 4:27

Ah Nzambé, te gô môsenge ôdôô mbe Hérode na Ponce Pilate amavanga gépangô na mavo mongo na mabôta metso maIsraël. Amavangéa gépangô gôndé Jésus, môyanzi oo amatsimamani, ône amasevoa éwe.

Mayanzame 9:2

Amamôduka ésangô étubéda mbe: Odôô te Saul, vambanani n’edi gô yeba yanyô yewanyéô gô Damas. Na ésangôe éne, Saul ameetsô ôtômu gôétsôpa gô yeba yewanyéô yAjuif, amôgôô n’ageto akea nzéepo na Kumu Jésus. Aahtsôpa mbe akea n’ahngô na gô Jérusalem gôétsundéu.

I Timothée 6:13

Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

II Timothée 2:9

Vandé me gôéékéda oma Tsangô nene Eamôsôba, te ébandô me nandé gô maguga, na t’ébandô namakatô gô panga gakatô môsi môkôbé. Ivô oma asoongôa ékata Mane Mamavovo Nzambé na panga gôéema mangô.

Hébreux 13:3

Nômbieeba asi gô eba atsôgôô. Keneani ahngô ga te anyene nôndé gô eba atsôgôô ôdigaahngô. Nômbieeba ane andé gô tsina agékuanô, wedéani ahngô ti eembe te anye nôndé gô gékuanôge gédigaahngô.