Matthieu 26:39 - New Testament in Mitsogo

³⁹ Amawesea amuene pesu na gô mbene. Amagudama na gô tsina. Amaduka Nzambé mbe: Ah Téta, gôndé éwe ôsadagéô ébégô. Nôtôa me gébunguge samaguga égé. Ivô béyé mbe nane, kaka éne ényôngéô me ééndôni ivo te éne ényôngéô éwe.

Matthieu 26:39 Iomraidhean Croise

Matthieu 20:22

Jésus amanikéda angô mbe: Ewe ôsamenya éne éduki éwe me. ?Gébunguge gétubéda magugame mangeena me, anye nôngoongôa ényua sangô‐a? N’ahngô amaabéa angô mbe: We tôngoongôa.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 26:42

Ene éamôbaé Jésus amoomba étsika aneengie na amavovo na Nzambé mbe: Ah Téta, ôkô mbe gébunguge egé ôsagémôtôa gôndé me ta madeo tsipanga égényua, ébaké te ganyôngéô éwe.

Marc 13:22

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

LUC TSANGO EAMOSOBA EMATENDA 17:16

Amagudama va makôdô maJésus, gédimô sedi na gô tsina gôémôneegeda. Mômôgôô nône te môsi Samarie.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

Jean 14:31

Eébéyée nane, buedi mbe asi tsinane muetso eena ganyôngéô me Téta gôgobeda me éne ématômu me na Téta. Timôgani. Tônôtôgéni éva.

Jean 18:11

Jésus amadékéda Pierre mbe: Nikéda yengane yoo gô kôtô. ?Gébunguge samaguga gémeetsô me na Téta tambô tsangagényua-a?

Jean 5:19

Jésus amanigôa Ajuif mbe: Me nanôbeenda na gô pie mbe Muana ANzambé asoongôa éyanza gô ngudi yamuene. Ayanza te éne éenangô Tétedi éénda. Metso meenda Tétee, te mane mangeenda dôta Muanee.

Jean 5:30

Jésus amanigôa mbe: Tsoongôa éyanza gô ngudi yamemuene. Natsundéda oma te gatévu me na Nzambé. Vane géesédéô sami géeséda me oma gésapengana gôébégô tseenda éne ényôngéô memuene. Me neenda te éne ényôngéô ône amatôma me.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Mayanzame 10:25

Vamatsiga Pierre gô môkii, Corneille amakusa gô eba gôéwanya n’edi. Amagudama na gô tsina na amakotomo va makôdô maPierre.

Philippiens 2:8

Amamana pitsi yedi te andé amaasugédani. Amagobeda Téta ngu na ôwa. Amawa ôwa ôdagani ava gésumu.

Hébreux 5:7

Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.