Matthieu 26:32 - New Testament in Mitsogo

³² Menyani mbe vangakunduga me nangoobégéa na gô Galilée.

Matthieu 26:32 Iomraidhean Croise

Matthieu 16:21

Bandôa nyoone Jésus amapandôéda aneengi edi na vede mbe: Engaba mbe me nangakea na gô Jérusalem gôngeena me maguga mamootéani. Peeye na tsesu yadeekedi adigondoku, n’anigôi amige miaNzambé angatseda me. Nangayôhu. Gô mbene apitsi dibaé, éne éamôtatô nangakunduga.

Matthieu 20:19

Nangadeekedu na gôndé oma asavamba na Nzambé. Ahngô angadeta me. Angabita me na mibitô mievongo. Ahngabôkéda me va gésumu sowa. Va mbene apitsi dibaé, éne éamôtatô nangakunduga.

Matthieu 26:33

Pierre angô mbe: Béyé mbe akasô agôtsikéké, gôndé me tsangagôtsika.

Matthieu 28:10

Jésus amasuméda ahngô mitémamie mbe: Nôneena gomo. Kiakani nôkebeenda ana aTétee n’ami mbe: Kiakani na gô Galilée. Nôngeena Jésus te gône.

Matthieu 28:16

Aneengie, nzima na môvo amakea na gô Galilée gôébuéa gô ngongo amôkôdi gamavangana ahngô na Jésus va mbeego.

Marc 14:28

Menyani mbe vangakunduga me nangoobégéa na gô Galilée.

Marc 16:7

Kiakani. Beendani aneengi edi, ti gandé Pierre, mbe: Jésus oobégéyi na gô Galilée. Gône nôngamôena gamabeendangô anye.

I Corinthiens 15:6

Na amatsutsuga dôta va miso mamikama mitayi mianeengi edi na va mbene. Vanôtendéa me éva, ayekani va gatse aô agédôngaka n’avo amamana éwa.