Matthieu 25:41 - New Testament in Mitsogo

⁴¹ Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 25:41 Iomraidhean Croise

Matthieu 13:40

Mônongovo gamasevou mabunza mabévani gôémagunya gô soto, te mônongovo gangaba v’ekôdéô éatsengene.

Matthieu 13:42

Ane abévani angasevouni angagunyu na gô gétungu sasoto. Gône angadéa miéngé na gô pievia yaô angagéa ngeko.

Matthieu 13:50

Ane abévani ahnagunyu gô gétungu sasoto gévôni. Wangô oma ahngadéa. Na gô pievia yaô ahngagéa ngeko.

Matthieu 18:8

Okô ôgogoe woo na ôkôdôe woo ôndé ga pagô gôégôkubéda gô mabégô mabévani, kitsa angô. Gunya angô gôdagôda n’ewe. Okô ôndé n’ogogo ôvo na ôkôdô ôvo, na monyo apie gô môtémoo, ésadaga gôndé éwe. Okô ôndé na mogo moo mabaé na makôdô moo mabaé, na ôkea na gô mungu asoto, te éne éôtéa édagani. Gône te gô sotoge géseemakani.

Matthieu 25:42

Vamookô me nzaa, anye nôsiitsé me môyakô. Vamookô me sôé, anye nôsiitsé me meba.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Matthieu 3:12

Angô te mônongovo ga môma ookôa pôtô anganôtôa étutu na angakétéga pôtôye gô magobo. Ivô angatumba étutue gô soto géseemakani.

Matthieu 4:10

Vane Jésus amamônikéda mbe: Satan, nôtôga vane. Matendeo MaNzambé matôbeenda mbe: Neegeda Kumu Nzambé éoo na ôyanzéa te angô môtévo.

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Matthieu 7:23

Vane nangavovo n’ahngô v’ekanga mbe: Me tsanômenya ta na pesu. Nôtôgani na gôdagôda n’ami, anye eendi amabégô mabévani.

LUC TSANGO EAMOSOBA EMATENDA 13:27

Kumu eba angoomba énôtôna mbe: Me tsamenya gôviganye. Nôtôgani na gôdagôda n’ami. Anye eendi amabégô mabévani.

LUC TSANGO EAMOSOBA EMATENDA 16:24

Amaadôngana mbe: Téta Abraham, eena me ngeba. Tôma Lazare atsuété tsene éamôsavie edi gô meba gôévôgiméda ômenie ami. Me neena maguga magéndégégé gô soto gegé.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

II Thessaloniciens 1:7

Na angeetsa gévôgiméô gôndé anye nôndé gô maguga. Na gôndé we te mônongovo. Tôngaba na gévôgiméô te vangaviga Kumu Jésus g’ôba na ngudi yetso, angô n’asi g’ôba ane avigédu na Nzambé.

II Thessaloniciens 1:9

Gésisédéôge géngeetsô ahngô te gébunganéô gésakôdéakani géngadigaahngô gôdagôda na Kumu. Asangavamba na ngudi yedi. Asangeena ôbébayi ôtubéda ôndômba aNzambé.

Hébreux 6:8

Ivô totone ésaba na tsoongo te éne ékandéda kavanga na seenge. Ene ékandéda yangô étumbu te tumbugu. Totone éne éngadoku na Nzambé.

II Pierre 2:4

Aanakani geenda Nzambé. Buéyé asi g’ôba, ayanzi aNzambé vameendahngô ébégô ébévani Nzambé asiene ahngô ngeba. Ivô amadigunya midikidiki gô mbenge yevitsi gôkeneo angô ngu na nyaa amôtsundu.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.