Matthieu 25:34 - New Testament in Mitsogo

³⁴ Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 25:34 Iomraidhean Croise

Matthieu 13:35

Vameenda Jésus nane, éne émavovo môpandôédi amatasa maNzambé émeenanô. Môpandôédi amavovo mbe: Nangabandôa éékéda ahngô te na tsava. Nangapandôéda oma mabégô masinigôgéô angô bandôa v’ebandô vamakanô tsina n’oba.

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Matthieu 20:23

Jésus angô mbe: Ii, na gô pie nônganyua gébunguge géngangyua me. Ivô gôndé me gôénôsevôéa édigaa, vo géeyo gégeto vo géeyo gémôgôô, ésaba gôndé me. Tunguye dindé yane amakônzéô yangô na Nzambé.

Matthieu 21:5

Beendani asi môsenge aSion mbe: Bononi Kumu anyô avigi na gôndé anye Andé môma agébé na nyemo. Angô aviga digaa gô nyama éagétabé, ânesse. Adigaa gô ânon, môpaga ânesse.

Matthieu 25:21

Môtômine amamôsénga ôséngu mbe: Mamisôba. Ewe môyanzi amavôma. Omagobeda me gô mane masibaké na tsoongo épôni, tambô nagôétsa mane mootéa na tsoongo. Viga tôtsôkéké, wa n’oo.

Matthieu 25:23

Môtômine amamôsénga ôséngu mbe: Mamisôba. Ewe te môyanzi amavôma. Omagobeda me gô mane masibaké ne tsoongo épôni, tambô nagôétsa mane mootéa na tsoongô. Viga tôtsôkéké, wa n’oo.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 27:37

Gô gésumuge va ngongo amôtsé aJésus gômatendu môtsundue ômayôhu angô. Gômatendu mbe: Odôô te Môtômine aAjuif.

Matthieu 3:2

Ameekéda mbe: Koani mitéma mianyô mbe nôngaba wene mônongo oma gôébégô ôkumu aNzambé ôweseyi na gôndé wa n’anyô.

Matthieu 5:19

T’ebandô gôndé ône ookua môge ôvo buéyé mbe ôgeôge, na eekéda môkedi gôéôkua angô, angaba môma ameenzuni g’ôkumu aNzambé. Ivô ône akenea ndongi na mige miaNzambé na eekéda dôta akedi gôémikenea, angô angagobedu g’ôkumu aNzambé.

Marc 10:17

Vamaba Jésus aka gô keaga gô nzéa, mômôgôô amaviga pita na gôndé angô. Amasiba mabongome va mbene aJésus. Angô mbe: Ewe môékédi ôndé ti môékédi amôsoba, aabéa me. ?Gôéba na monyo amôbô na môbô nangeenda nayee?

Marc 10:40

Gôndé me gôénôsevôéa édigaa, vo géeyo gégeto vo géeyo gémôgôô, ésaba gôndé me. Tunguye dindé yaane amakônzéô yangô na Nzambé.

LUC TSANGO EAMOSOBA EMATENDA 11:28

Ivô Jésus amanikéda mbe: Eébéyée nane, me nanôbeenda mbe, ti gô gényônga géndé na anye nôôkô ôgi aNzambé na nôgobeda angô.

LUC TSANGO EAMOSOBA EMATENDA 11:50

Jésus amoomba mbe: T’ebandô anye asi pitsi yedi nôngasisédu gô diôwaye yetso yapabdôédi amatasa maNzambé bandôa vamakanô tsina n’oba.

LUC TSANGO EAMOSOBA EMATENDA 12:32

Nômbieena gomo anye mandombo mami, béyé gandé anye vipesu viami viôbua. Menyani mbe Nzambé eena ti gényônga gôénôétsa ôkumue wedi.

LUC TSANGO EAMOSOBA EMATENDA 19:38

Te mbe mate maNzambé mabaké gôndé môtômine asô avigi gô ina aKumu. Gétabé gébaké dôta na gô gédigaa sedi g’ôba. Ondômbee wetso te gôndé Nzambé.

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 12:13

Amakitsa dada yeekadi gamabaka gésima saô seneegeda môma. Amakea na yangô gôéwanyeda Jésus na émbô mbe: Tôneegedéni Nzambé. Te mbe mate maNzambé mabaké gôndé môtômine avigi gô ina aKumu. Te mbe mate maNzambé mabaké gôndé ône avigi gôétôma éongo éaIsraël.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 19:15

Ajuif amaadôngana mbe: Awaaké. Awaaké. Komeda angô va gésumuge. Pilate ameevôa ahngô mbe: ?Na gô pie nônyôngéô mbe nakomeda môtômine wanyô va gésumuge-a? Tsesu yadeekedi adigondoku amabika n’edi mbe: We tôsaba na atômi abaé. Môtômine wasô te César gô Rome.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Mayanzame 3:26

T’ebandô Nzambé amakudéga môyanzi edi, mapangame te gôndé anye. Amakudégéa angô na gôndé anye te mbe vangaviianye ngima mabégô manyô mabévani, anganôétsa mate.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 15:50

Oôkôni éne ébuta me énônigôa ana aTéta. Ene émavangôni éndé éotô na nzina ésaba na tsoongo g’ôkumu aNzambé. Géne sapitsi yatangaga, gésaba n’evamba na géne samôbô na môbô.

I Corinthiens 2:9

Te gatônigôu gô Matendeo MaNzambé mbe: Ene émakônza Nzambé gôndé ane ahndé n’edi môvo n’etondo, Te éne madeo ésienanô na môma, na ésiôkanô na môma. Na dôta éne ésivakô na môma gô môtémedi.

I Corinthiens 6:9

Nômbiabômu. Abévie asangeengéa g’ôkumu aNzambé. Menyani mbe abévie te angua, asi matasame meengéa gô gésasô na makusa te gô gésasô, na agobedi ambumba yegoni, n’akeyi agésasô n’ane ayanza gésasô amôgôô anguene n’anguene, ageto anguene n’anguene.

Galatie 5:21

na ényima, n’edangi, n’onzôô éaa môyakô, na mabégô mamônongo ône. Me nanôévéda mônongo gamani me énôbeenda mbe ane eenda mabégôme mane asangadigaa g’ôkumu aNzambé.

Ephésiens 5:5

Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

II Timothée 2:12

Okô tôsipi gô maguga, Tôngadigaa n’edi g’ôkumaka. Okô tôkini angô, Angô dôta angatôkina.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 11:16

Ahsinyimé tsengene ématôtahngô. Ahmanyima te tsengene éôtéa ényepani, te éne éag’ôba. T’ebandô Nzambé amanyôngéô étetu mbe Nzambé aô, na amakônzéa omeaa môsenge ôvôni.

Hébreux 4:3

Wa n’anyô tômeetsa Nzambé mitémamie tôngeengéa gô gévôgiméôge gémakônzangô. Te gamavovo amuene mbe: Me Nzambé neena omee ane ôpisa Namakina mbe: Ahngô gôéengéa na gô gévôgiméôge géndé na me‐môge. Nzambé amakina oma gôéengéa buéyé mbe éyanzee éedi gôékônza tungu émakôdéa vamakana angô tsina n’oba.

Hébreux 9:26

Mbe émabaka nane, Christ mbe ameengéa kuka diyekani bandôa gômakanô tsina n’oba. Menyani mbe, vamawesea ndéône mbe tsengene émabungana, Christ amatsiga kukepo gôndé muetso gôéadeekeda amuene ôgondoku gôébusua ébévee éoma muetso.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 1:9

Ene ébutanye te géobogeo sedidi éanyô. Nôndé gôédiia sangô veetsanye mitéma mianyô gébé na paga.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 17:8

Gényamanyama gegé gémadônga ivô n’atsatsee gésadôngadô. Gémakusa gô éduku éamongodi gémakea gôébungana. Asi tsinane nyetso ane ahsaba na mina maô mamatendu v’ebandô atsina n’oba gô môganda amonyo, ahngatsapéô veenahngô Gényamanyama. Gôébégô sangô gémadônga va mbeego na gémabungana na géngatsutsuga.

Gétsutsuéô 19:16

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.

Gétsutsuéô 5:10

Omakoa ahngô aka ti asungéyi oma va mbene aNzambé gôéyanzéa Nzambé asô. Te angô angatômaka gô tsina.