Matthieu 25:30 - New Testament in Mitsogo

³⁰ Géé gôndé môyanzine abobo ôdôô, tsôpani angô na gunyani angô gô môkii gô évitsi. Gône angadéa mindônga, na gô pievia yedi angagéa ngeko.

Matthieu 25:30 Iomraidhean Croise

Matthieu 13:42

Ane abévani angasevouni angagunyu na gô gétungu sasoto. Gône angadéa miéngé na gô pievia yaô angagéa ngeko.

Matthieu 13:50

Ane abévani ahnagunyu gô gétungu sasoto gévôni. Wangô oma ahngadéa. Na gô pievia yaô ahngagéa ngeko.

Matthieu 22:13

Môtômi atsenge amatôma ayanzie mbe: Katani angô makôdôme na mogome. Gunyani angô gô mbadi gô évitsie. Gône te gôngadéangô miéngé na gôngagéangô ngeko gô panda dienangô.

Matthieu 24:51

Kumu éyanza angamôsiséda tsôgôô édagani gasisédu asi enyepa éamiônya. Vane vangadéa ahngô mindônga, na gô pievia yaô angagéa ngeko.

Matthieu 3:10

N’atsatsee géwangéô géka va mitamba mieetété. Eététée éetso ésabôta miônda miamisôba éngawangô na éngagunyu gô soto.

Matthieu 5:13

Anye nôndé ga vianga gô tsengene. Okô vianga visabadô na duegi ?môma oongôa évinikéda duegine nayee? Okô viangavie visiba na duegi vingagunyu na gô mbadi, na oma angaviyeta.

Matthieu 8:12

Ivô avo asi éongo éaIsraël angagunyu gô mbadi gô tsina evitsi. Wangô angadéa miéngé na angagéa ngeko gô pievia yaô.

LUC TSANGO EAMOSOBA EMATENDA 13:28

Vane te vangadéa anye na te vangagéa anye ngeko gô pievia. Nôngeena Abraham na Isaac na Jacob n’apandôédie muetso amatasa maNzambé ahndé digaa gô tsenge éaNzambé. Géé anye, nôngapatsô na gô môkii.

Jean 15:6

Okô môma asaba môvo n’ami angagunyu gô mbadi mônongovo gamôtabé ômapakôuni. Môtabée ône ôngagasa. Oma adingôa mitabé migaséduni na amigunya gô soto gôémiyôéda.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

II Pierre 2:17

Eekédi adiboe ahndé ga mbéyi disaba na meba. Ahndé ga dibôngé ditsuaô n’opunga. Nzambé amakônzéa ahngô tungu éevitsi éabangata.

Jude 1:13

Agono na miyôkiyôki miobagaa miagô mubu. Mabégôme maô mabévani matsoyi, te égudé étubédahngô. Akénga ga minangamie miveea mimadimbanéô tunguye yaô. Nzambé asabômu gétunguge saô sevitsi éabangata. Akenea ahngô mbe angahkudéga wangô môbô na môbô.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.