Matthieu 25:21 - New Testament in Mitsogo

²¹ Môtômine amamôsénga ôséngu mbe: Mamisôba. Ewe môyanzi amavôma. Omagobeda me gô mane masibaké na tsoongo épôni, tambô nagôétsa mane mootéa na tsoongo. Viga tôtsôkéké, wa n’oo.

Matthieu 25:21 Iomraidhean Croise

Matthieu 24:45

Môyanzi agobendani andé n’eodo ?eenda nayee? Angô eetsô éyanza na môtômine wedi mbe: Okenea ayanzi n’oo. Gô ndéô yetso ôkabéaka ahngô môyakôe.

Matthieu 24:47

Nanôbeenda na gô pie mbe kumu éyanzee angeetsa môyanzi nône énvanga évôni gôékenea n’okitie wedi wetso.

Matthieu 25:23

Môtômine amamôsénga ôséngu mbe: Mamisôba. Ewe te môyanzi amavôma. Omagobeda me gô mane masibaké ne tsoongo épôni, tambô nagôétsa mane mootéa na tsoongô. Viga tôtsôkéké, wa n’oo.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

LUC TSANGO EAMOSOBA EMATENDA 12:44

Nanôbeenda na gô pie mbe, kumu éyanzee angeetsa kotene ényanga évôni gôékenea n’okitie wedi wetso.

LUC TSANGO EAMOSOBA EMATENDA 16:10

One andé na mavôma gô tôbégô tôgetôge angaba dôta na mavôma gô mabégô mavôni. One andé muisui gô tômate tôgetôge angaba dôta muisui gô éôma évôni.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 14:3

Vangakea me na vangakônzéa me anye tungu nanganika. Nanganôbongo gômbe gôngaba me, n’anye dôta nôngaba wangô.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Romains 2:29

One andé na gô pie Môjuif asigeetu gô gékeneo samige mimatenduni, ivô amageetu na Gédidi SaNzambé gô môtémedi. One andé na gô pie Môjuif asakumédu na môma. Akumédu te na Nzambé.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

II Corinthiens 10:18

Endé te nane. Okô môma asénga amuene, ôséngue ône ôsaba na tsoongo. Oséngue ôndé na tsoongo te ône ôséngu môma na Kumu Nzambé.

II Corinthiens 5:9

Tônôtôgéyee, tôsanôtôgéyee gô yôtô yedi, tônyôngéô éénda éne ényôngéô amuene Kumu Jésus.

Philippiens 1:23

Gôndé me ébégôe éndé te gésa ômbôe, gésa viangavie. Nanyôngéô énôtôga gô tsina nedué nakedigaa na Jésus‐Christ. Ene te éne étéka me pepe.

I Timothée 3:13

Ane adugéda éyanzee éaô amôwedi, môvanôe waô te égobee étubédu angô. Na dôta te bôkédé ôdigaahngô gôyanzahngô n’enyangee éaô, gébé na paga gô évamba éndé n’ahngô na Jésus‐Christ.

II Timothée 2:12

Okô tôsipi gô maguga, Tôngadigaa n’edi g’ôkumaka. Okô tôkini angô, Angô dôta angatôkina.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.