Matthieu 24:43 - New Testament in Mitsogo

⁴³ Vôtanganôni édué. Kumu eba mbe amenya pitsine éviga muisui, angô mbe angeemba géembemba mbe asangasinga ebedi ôpadô.

Matthieu 24:43 Iomraidhean Croise

Matthieu 14:25

Gô tsôsône éamapanga Jésus amakea na gôndé aneengie, yetaga gô ngongo amebame.

Matthieu 20:11

Vameetsô ahngô dodeye amakambôga na kumu éeyanzee

Matthieu 24:42

Imbakani géembemba gôébégô nôsamenya nyee ôngaviga Kumu anyô.

Matthieu 24:44

T’ebandô anye dôta bakani nômakoamani kuanakue gôévéngéa me, gôébégô me Muana Amôma nangaviga gô ndéône ésangatasanye.

Matthieu 25:10

Vamakeahngô atayi, gôésômba pitidodine, mômôgôô nône, kumu ayômba amatsiga. Akaô atayi ahmabaka kuanakue gôévéngéa angô ahmeengéa n’edi na gô eba gôéaa sueti éayômba. Ebee ômabandéku.

Matthieu 25:13

Jésus angô mbe: Bakani misiki. Anye nôsamenya pitsi. Nôsamenya ndéô.

Marc 13:35

Tambô anye bakani misiki nôsamenya ndéône éngaviga kumu eba. Anganika, buétsé na dikoo, buétsé va gatse apitsi vo va tsôsône éamapanga, vo n’ongôngôe wetso.

Marc 6:48

Jésus ameena mbe aneengie eena panda gôénuga, gékunga gémaviga gô mbene gémasikaméda mbôngône. Ti gô tsôsône éamapanga Jésus amakea na gôndé ahngô yetaga gô ngongo amebame, amabaka mbe oota ahngô.

LUC TSANGO EAMOSOBA EMATENDA 12:38

Okô kumu éeyanzee atsigi gô ebedi va gatse apitsi, buéyé mbe tsôsôye yamapanga, n’angô adenga ayanzie andé misiki gôémôenéa, aanakani gangatsôkéa ayanzie.

LUC TSANGO EAMOSOBA EMATENDA 12:39

Nôsabômu mbe kumu eba mbe amenya ndéône éngaviga muisui, angô mbe asangamôsingéa apada ebee.

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

Gétsutsuéô 16:15

Angô mbe: Oôkôni édué. Me naviga gaviga muisui na waada. Gényônga gôndé ône adenganô andé môsiki gébé gô vio na akenea môkandee wedi. Asangakea mônyenge va gatse akedi na asangeena tsoyi.

Gétsutsuéô 3:3

Bangôani meekédume mamadiianye. Kôngédani gamookô anye mangô. Indakani mane mamookô anye. Eesédani anyene mitéma mianyô gôéviia ngima ébévee éanyô gôénika na gôndé me. Okô nôsitimôga nangaviga na gôndé anye na bambasa gaviga muisui. N’anye nôsangamenya ndéône éngaviga me.