Matthieu 24:14 - New Testament in Mitsogo

¹⁴ Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.

Matthieu 24:14 Iomraidhean Croise

Matthieu 10:7

Gôkeanye ikédani na nigôani mbe, ôkumu aNzambé ôweseyi na gôndé wa n’anyô.

Matthieu 18:19

Me Jésus nanôbeenda mbe: Okô omami abaé asi tsengene, avangana gôéduka Nzambé pati yebégô g’ôsambô, Téta, ône andé g’ôba angasingéa môdukée waô.

Matthieu 24:3

Jésus amadigaa va ngongo amôkôdi ôtetu mbe Olivier. Aneengi edi amaviga gôémôévôa mbe: Beenda we ndéône éngabuéa mabégôme mane. Nigôa we gémbégéage gengatubéda mbe Jésus asangaamba éviga, na tsinane éngabunganédu.

Matthieu 24:6

Nôngookô nzongodi yamabadi mandé gôpégôpé n’anyô, na tsangô yamabadi magôdagôda n’anyô. Nôneena gomo. Mabadime mane mangagenyu. Ivô tsengene ésangakôdéa vane.

Matthieu 4:23

Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Matthieu 9:35

Jésus amakea éva n’eva amoota gô mbôkaye yetso na gô misengemie mietso. Ameekéda gô yeba yaô yewanyéô na amanigôa Tsangô Eamôsôba éokumu aNzambé. Amadôngéda minongo mietso miamabeea na miadipôpéa.

Marc 13:10

Buedi mbe Tsangô Eami Eamôsôba épangé éékédu gôndé oma muetso.

LUC TSANGO EAMOSOBA EMATENDA 2:1

Gô ndéône yangô, môtômi atsenge César Auguste amatôma mbe: Gôngaba gétendanéô samina moma muetso gô tsengeye ditôma we asi Rome.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

LUC TSANGO EAMOSOBA EMATENDA 4:5

Yabédé amamôbatéda na gô ngongo ngongo. Amamôtubéda tsengeye yetso yava tsina gôémiena pesu andéô gakadima môkadikadi.

Mayanzame 1:2

ngu na nyee ômatômbu angô na Nzambé na g’ôba. N’egébataka na g’ôba, Jésus te amamana éétsa mitômamie na ndongiye gôndé aneengi edi, ane amasevou na amatômu na amuene Jésus. Amavovo n’ahngô te gô ngudi yaGédidi SaNzambé.

Mayanzame 11:28

Môpandôédi môvo, inedi Agabus, amatômu na Gédidi SaNzambé gôétema na gôéevéda oma ébégôe éngabuéani. Angô mbe: Gôngabôka nzaa épôni gô tsinane nyetso. (Na gô pie, nzaa nene émabôka te gô ndéône ématôma Claude tsengene.)

Mayanzame 17:31

Endé te nane. Amamana ésevoa nyee ôngatsundéda angô ome muetso na môtsundu agépenganédé. Tôngatsundédu na ône amasevoa amuene gôéba môtsundédi. Ndémbone éamôtsundédine te éne émakunduu angô na Nzambé g’ôwa.

Mayanzame 17:6

Ivô ahsiene Paul na Silas. Vane ahmatsôpa amuene Jason kumu eba, n’avo oma ameetsa Jésus mitéma. Na amatsua ahngô na gôndé atômi amôsenge. Amasunda ahngô mbe: Omee adua te ane ahmayungéda tsengeye yetso. Te gavigi ahngô n’eva.

Mayanzame 19:27

Tambô gébanage sasô n’anyô gésangadôkuma. Na ésangakôdéa n’ene étévo. Buéyé na ina amôgetone môvôni Artémis, éneegeda we éngadimbana. Na eba ôneegedu angô ôsangadômenyanganô. Artémis te mbumbane éasô n’anyô muetso bandôa gô Ephèse ngu na tsengene nyetso éAsie. Buéyé na tsinane nyetso. ?Tôngasinga inedi n’okumakedi édimbana nane nayee?

Mayanzame 20:25

Me namoota va gatse anyô gôéékéda mabégô mokumu aNzambé. Menyani mbe nôsangadôomba éena ôsôe wami éva.

Romains 10:18

Ivô me Paul natsapéô. ?Tambô ahngô madeo asiôkô-a? Na gô pie amookô. Matendeo MaNzambé matônigôa gôndé eekédi mbe: Ogie waô ômookanô gô tsinane nyetso. Mavovia maô mamabuéa na gô tunguye yamakôdéô matsinane.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

Colosses 1:6

Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

Hébreux 1:6

Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.

Hébreux 2:5

Menyani mbe asi g’ôba, ayanzi aNzambé asiitsô ôtômu na Nzambé gôétôma tsenge évigani éne étôvovoni.

Gétsutsuéô 14:6

Vane me Jean nameena môsi g’ôba môvo amaveea gô ngongo ngongo. Amabaka na Tsangô Eamôsôba éamabégô mamôbô na môbô masakôdéakani gôébeenda oma agô tsina. Tsangône te gôndé asi tsengeye yetso na asi mongo metso na asi yôgi yetso na oma muetso.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.