Matthieu 23:8 - New Testament in Mitsogo

⁸ Ivô nanôongô ndongi mbe nônasinga oma anômekeda mbe: môékédi. Gôébégô anye muetso te ana aTétee atévo. Môékédine wanyô te môvo.

Matthieu 23:8 Iomraidhean Croise

Matthieu 10:25

Ene éamôsôba te mbe môneengine abaké ga môékédine wedi, na môyanzine abaké ga môtômine wedi. Okô pene éambumune nyetso étetu mbe Béelzébul, tambô na muetso asi mbumu nene angatetu te mônongovo.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 23:10

Nônasinga môma anômekeda mbe tsesu. Gôébégô tsesune yanyô énôtômani, te épo na koo, te amuene Christ.

Matthieu 23:7

Ahnyôngéô émekedu n’oma mbe: Môékédi, Môékédi.

Matthieu 26:25

Judas, ône amakaba Jésus amamôévôa mbe: ?Kumu, te me‐a? Jésus amamôaabéa mbe: Ebaké nane.

Matthieu 26:49

Judas amayavôga ékea na vandé Jésus. Angô mbe: Sambaa. Kumu ami. Amasambanéa na Jésus.

Marc 10:51

Jésus ameevôa angô mbe: ?Onyôngéô mbe nagôénda nayee? Môsi pogu angô mbe: Kumu ami. Nanyôngéô mbe ôpoeda me miso mema.

Marc 11:21

Pierre amakôngéda éne ébuéikini. Amavovo na Jésus mbe: Môékédi, bonoko. Ofiguier ôkikoyi éwe ômani égoso.

Marc 14:45

Vamabuéa Judas va tungu nene, amawesea na vandé Jésus. Angô mbe: Kumu ami. Amasambanéa na Jésus.

Marc 9:5

Na Pierre dôta amavovo na Jésus mbe: Môékédi te buedi gadenganiô wa n’anyô éva. Tôsaéni yeba ditatô yagébandé. Ovo woo. Ovo aMoïse. Ovo aElie.

LUC TSANGO EAMOSOBA EMATENDA 22:32

Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

Jean 1:38

Jésus amagéngôga gôébono ane amôaanda gô ngima, na ameevôa ahngô abaé mbe: ?Anye nônyôngéô ndé? Omee amavovo n’edi mbe: Rabbi, tubéda we gôdigaa éwe. (Vamavovo angô mbe: Rabbi, te gôémômekeda mbe: Môékédi.)

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 11:8

Aneengie amavovo n’edi mbe: Môékédi, ôsabômu mbe madeo vasidinga gamabakewe mbe ôyôhu n’Ajuif na mataé. ?Yôénda mbe ôomba te énika na gône-a?

Jean 20:16

Jésus amavovo n’edi mbe: Marie. Tsina na tsina amagéngôa na gôndé Jésus na amasémana g’ôgi edi aHebreu mbe: Rabbouni. (G’ôgi aGétsogo mbe: Môékédine wami na môtômine wami.)

Jean 3:2

Nicodème amakea na gôndé Jésus na pitsi. Amamômekeda mbe: Môékédi, tômenya mbe Nzambé amatôma éwe gôéékéda we. Môma asoongôa éénda émbégéa ényônganéôni éne ééndewe, buétsé te Nzambé amôétsa ngudi.

Jean 3:26

Aneengie amakea na gôndé Jean na amamôningôa mbe: Môékédi, ôsabômu vamabaka wa n’anyô gô dipo tsényé yambéne ééndô mbe Jourdain. Obangôa mômôgôône amabaka n’ewe na ômanigôa we mônongoe wedi. Oeni, andé te gôéétsa oma bateme. Na muetso akea te na gôndé angô.

Jean 4:31

Vamakea môgeto nône, aneengie amavooto Jésus mbe: Môékédi, ôeni môyakôe, aaka.

Jean 6:25

Oma amadenga Jésus gô dipo tsényé yamubu. Amamôévôa mbe: Môékédi, ôabôgi n’ego nayee?

Jean 9:2

Aneengi aJésus amamôévôa mbe: ?Môékédi pogune édué, émaviga gôni? ?Te gô ébévee éedi amuene, vo te gô ébévee éakindedi?

II Corinthiens 1:24

We eekédie tôsabuta étindéga anye gô mabégô maNzambé mameetsanye mitémamie mbe: Indakani édué, tsikani édué. We tônôongô te ndongi ditévo gôénôkasôgéda gôébégô anye nômani ésipa gô mabégô manzéa éaNzambé mameetsanye mitémamie gébé na buétsé.

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.

Ephésiens 3:15

Gôébégô asi mbumu éedi muetso andé gô tsina na g’ôba amoogu inedi apie.

Philémon 1:16

Menya mbe angô deo noo andé te môvéga, ivô angô asadigaa n’ewe g’ôvéga ôtévo. Gôndé na éene ébégô éôtéa ôvégee. Angô te muana aTétee n’oo, nôndé na vitoo gôndé Christ. Gôndé me, angô te muanami amôtéma. Géé gôndé éwe, ôngootéa émônyôngéô pepe. Evambee éanyô te gô éyanzee éatsengene na te gô ina aKumu Jésus.

Jacques 3:1

Ana aTéta agô mbumu éaNzambé mbe gôsibaké va gatse anyô ayekani eetsi andongi. Nôsabômu mbe, we eekédi, môtsundue asô ôngavasô gô mabégô metso.

I Pierre 5:3

Nômbiabuta ébatéda anyene gôéôtéa ane ahyanza n’anye éyanzevo. Bakani ôkana va gatse amandombo maNzambé mbe anganôgoo.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 22:9

Ivô angô amasemba me mbe: Ombiayeega éneegeda me. Me te môyanzi gandé éwe na gandé ana aTétee n’oo, apandôédi amatasa maNzambé na gandé muetso ane ahgobeda ôgie amiganda miemi. Nôneegeda te Nzambé.