Matthieu 23:15 - New Testament in Mitsogo

¹⁵ Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Nôkénga mitôô tsengene nyetso gô tsényé na gô mubu gôédiia môma môvo asinga meekédume manyô. Vakangô mômanyô, nômôkoa mbe ébévee éedi éngootéa pepe éne éanyô.

Matthieu 23:15 Iomraidhean Croise

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Matthieu 3:7

Vameena Jean pingô yApharisien na yAsadducéen ahviga gôébatésu, amavovo n’ahngô mbe: Anye nôgono na mbigé. ?Nômenya mbe nôngabusuga ôpisa aNzambé ôvigani‐a? ?Nôékédu nane na ndaa?

Matthieu 5:22

Ivô me nanôbeenda mbe muetso angeena môkedi ôpisa angatsundédu n’evovi. Muetso angatoko môkedi angakedu na gô eba ôvôni amisoso. Muetso angakoko môkedi angagunyu gô mungu asoto géseemakani.

Matthieu 5:29

Okô isoe yoo éagéeyo gémôgôô éndé ga pagô gôégôkubéda gô mabégô mabévani, tambô yuua éangô na gunya éangô gôdagôda n’ewe. Okô ôkonzogi iso évo, gôndé éwe ésaba édagani. Ivô, ôkô ôtôe woo wetso ôgunyu gô mungu asoto, te ébégô éôtéa édagani.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Mayanzame 13:10

Amavovo n’edi mbe: Mômôgôô noo, môtémoo ômayôa na mangônzô na mane mabévani metso. Ewe te muana ayabédé. Ti éwe, te môvingi amane mamisôba. Nzéa éaKumu Jésus éndé na deedéké. ?Ewe nayee ôbénôa yangô na ôminyamba mamongo? Tambô ?ôsanzeegeda ébévee éoo éne-a?

Mayanzame 13:43

Vamakusa oma gô eba agéwanyéô, Ajuif ayekani n’avo ane ameengédu gô gésôga sAjuif, amaanda Paul na Barnabas. Ahngô abaé amavovo n’omee ane mbe: Sipani gô mabégô mema. Itsani mitéma mianyô mietso gô mane mookô anye metondo éaNzambé.

Mayanzame 14:19

Ajuif amaviga gô Antioche na Pisidie na Iconium gôébuéa na gô Lystre. Amatsongono va gatse agéômbége gôéétsa ahngô étasa mbe: Tôyôhéni Barnabas na Paul. Géômbége ahmatuma Paul na mataé gôémôyôha. Vameenahngô mbe amani éwa, amamôgogoa na gô étumba éamôsenge.

Mayanzame 14:2

Ivô avo Ajuif, ane amakina Mabégôme mane, amatinda avo oma na mavovia maô gôédudu ane amasingani.

Mayanzame 17:13

Ivô Ajuif agô Thessalonique amookô tsangône mbe Paul andé gôéékéda Mane Mamavovo Nzambé, eekéda go Bérée gameekédangô gô Thessalonique. Ajuife ane amaanda angô na gô Bérée gôéyungéda oma mitémamie.

Mayanzame 2:10

Tômaviga gô Phrygie na gô Pamphylie na gô Egypte na gô gésa saLibye gébambana na Cyrène. Gôndéké n’avo amaviga gô Rome.

Mayanzame 6:5

Géômbége setso saneengie amasinga ébégôe. Ane amasevouni, môvo te Etienne amaba gétsumé Nzambé paga na môtémedi ômayôa na Gédidi SaNzambé. Avo te Philippe, na Prochore, na Nicanor, na Timon, na Parménas, na Nicolas môsi Antioche ameengéa va mbeego gô gésôga sAjuif.

Galatie 4:17

Gôndé avo oma namani énôévéda mbe te ane ahvooto anye na buembee waô, matasa maô masanyepa. Ene ébutahngô te gôéaaganéda wa n’anyô gômbe nôngaba na vitoo gô mane maô.

Galatie 6:12

Ane ayanza mamisôba gô nyemo éanguene te ahngô anôtindéga gôégeetu. Angô eenda nane te gôbusugahngô gékuanô sowa aChrist ômawa angô gô gésumuge.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.