Matthieu 23:13 - New Testament in Mitsogo

¹³ Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Matthieu 23:13 Iomraidhean Croise

Matthieu 23:16

Ti gô maguga mandé n’anye asi pogu nôtévéda akanyô nzéa éanyô. Nôvovo mbe: Okô môma asongéa gô ina eba aNzambé, môsongia ône ôsaba na ngudi. Géé ône asongéa gô ina adodo éndé gô eba aNzambé, môsongie ône ôndé na tsoongo.

Matthieu 23:23

To gô maguga mandé n’anye anigôi amige miaNzambé n’Apharisien. Nôndé ti anyepi amiônya. Gô éne égésu gô môyakô gôényepeda angô, te tôkôdô tôtetu mbe menthe, na fenouil na cumin, gô nzima atsangi nôétsa Nzambé tsangine yedi épo. Géé gô mabégôme mavôni nôseetsa nane. Gô mitômamie mivôni na meekédume mavôni mangeba, na mamavôma, na meetsimama, nôsagobeda mangô. Tambô, buedi mbe nôgôbeda mane mavôni na gétsike mane magemage.

Matthieu 23:25

Ti gô maguga mandé n’anye anigôi amige miaNzambé n’Apharisien, anye nôndé ti anyepi amiônya. Gô ébungue éanyô na épedee éanyô nôsabômu éôvôa te gésa géngongo géenanôni. Géé gô gatse éangô éndé émayôa na mane mameesua anye, na mane makuséda manyima manyô mabévani.

Matthieu 23:27

Ti gô maguga mandé n’anye anigôi amige miaNzambé na Apharisien, anye nôndé ti anyepi amiônya. Anye nôgono na ngii dimanyepédu va ngongo na pemba, tambô gô gatse dindé dimayôa na épaa éamômane amawani, na dikusa mbônga éôtô edi ômabooni.

Matthieu 23:29

Ti gô maguga mandé n’anye anigôi amige miaNzambé n’Apharisien, nôndé ti anyepi amiônya. Anye nôsaa yeba yamisôba gôényepeda ngiiye yapandôédi amatasa maNzambé. Nôdinyepeda na suadô gômabakahngô oma amisôba.

Matthieu 3:7

Vameena Jean pingô yApharisien na yAsadducéen ahviga gôébatésu, amavovo n’ahngô mbe: Anye nôgono na mbigé. ?Nômenya mbe nôngabusuga ôpisa aNzambé ôvigani‐a? ?Nôékédu nane na ndaa?

LUC TSANGO EAMOSOBA EMATENDA 11:52

Ti gô maguga mandé gôndé anye évovie. Nôsumbéda môsapi ôkukua ôkukée atsongone éndé éodo éetso. Gôbongi anye môsapi, anyene nôseengéa gô tsongo nene, na nôdékéda dôta akanyô, ane anyôngéô éengéa wangô.

Jean 9:22

Kindedi amavovo nane te gômookô angô Ajuif gomo. Ajuif amavanga mbe muetso amema mbe Jésus te ône amatômu na Nzambé, angapatsô gô eba agéwanyéô sAjuif.

Jean 9:24

Apharisien amoomba émôbambéa kukane éamôbaé. Ahngô mbe: Aabéa we va mbene aNzambé. Ombiapata. Tôsabômu mbe mômôgôô nône te môma môbévani.

Jean 9:34

Apharisien amamôsemba mbe: Ti éwe. Ewe ôndé gô mabégô mabévani g’ebôtéô éwe. ?N’ewe ônyôngéô éba môékédine wasô? Amamôpatsa gô eba agéwanyéô.

Mayanzame 13:8

Ivô ngangane éamavétô, inedi g’ôgi aGrec te Elymas, amavinga Barnabas na Saul. Na asinyôngéô mbe môtômi atsenge eetsa môtémedi gô meekédume maô.

Mayanzame 5:28

Tômadékéda anye na môge mbe: Nômbiekéda gô ina amômôgôô nône, eendô mbe Jésus. ?Anye nômeenda nayee? Anye nômatsanzabanéda meekédume manyô gô môsenge wetso aJérusalem. N’anye nôétsa we ôési g’ôwa amômôgôô nône.

Mayanzame 5:40

Amanikéa ébambéa ane amatômukuni. Amabitéda ahngô na amadékéda ahngô mbe: Nômbioomba éekéda gô ina aJésus. Na ameenda ahngô mbe: Kiakani.

Mayanzame 8:1

Na vane Saul amanyôngéô gamayôhu Etienne. Nyaa ômayôhu Etienne, te nyaa ômabandôa gékuanô gévôni sasi mbumu éaNzambé agô Jérusalem. Angô muetso buétsé te ane amatômukuni, amapanzangana na gô tsengeye yaJudée na Samarie.

II Timothée 3:8

Gameenda Jannès na Jambrès pégôani na Moïse, te gangeenda omee adua pégôani gô mabégôme mane maNzambé mapie. Angô te oma amatasa mamagéngôgani. Gô mabégô manzéa éaJésus étôkéani édué eenda te makanégéda.

II Timothée 4:15

Ewe Timothée, baka n’ekena gôndé angô, gôébégô angô eenda mavovia masô n’oo pégôani.