Matthieu 22:44 - New Testament in Mitsogo

⁴⁴ Kumu Nzambé amavovo na Kumu ami mbe: Ewe digaa gô géeyo sami gémôgôô, na me nangagudaméda adudeoe woo gô tsina amakôdô moo.

Matthieu 22:44 Iomraidhean Croise

Matthieu 22:45

Jésus angô mbe: Amuene David amateta môma nône mbe: kumu ami. ?Mbe muanedi nayee angamôénda mbe Kumu ami?

Matthieu 26:64

Jésus amamôaabéa mbe: Te gavovi éwe. Na me nanôpandôéda mbe bandôa deo noo, nôngeena Muana Amôma digaa gô géeyo gémôgôô saNzambé Kumu angudi yetso. Nôngeena dôta Muana Amôma aviga va gatse adibôngé yag’ôba.

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

LUC TSANGO EAMOSOBA EMATENDA 19:27

Na gôndéké n’evo ébégô. Adudeo wami, ane asinyôngéô étômu n’ami vigani n’ahngô. Aviyôhu ti va miso mami.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

I Corinthiens 1:2

Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 15:25

Tambô ôtômue ôbaké na Kumu Jésus‐Christ gôétôma ngu na vangatseda Nzambé adudeo muetso aka gô tsina amatambé maJésus.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

Hébreux 1:13

Nzambé asiôngôé évovo ta na môsi g’ôba môvo môyanzi edi mbe: Digaaka éwe gô géeyo sami gémôgôô Ngu na vangatseda me adudeoe woo. Nakoa ahngô aka géyeteo samakôdô moo.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Gétsutsuéô 19:19

Nameena Gényamanyama na atômi atsengeye yetso yava tsina na migode miaô ahmakôkangana tungu épo gôégenya ébadi n’one andé digaa gô chevalene éavembo na géômbé sedi samigode.