Matthieu 22:42 - New Testament in Mitsogo

⁴² Gôébégô éaChrist, ône angatômu na Nzambé ?anye nôtasa nayee? ?Angô vita muana andaa? Apharisien amaabéa mbe: Angô te muana aDavid.

Matthieu 22:42 Iomraidhean Croise

Matthieu 1:1

Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 21:9

Ane amakiaka va mbene aJésus na ane amaviga va ngima edi amaadôngana na gényônga mbe: Tôkumédéni Muana aDavid. Te mbe mate maNzambé mabaké gôndé ône avigi gô ina aKumu. Tôkumédéni Nzambé n’asi g’ôba muetso.

Matthieu 22:43

Jésus amanigôa mbe: Okô mbe éndé nane ?nayee amuene David amatévédu na Gédidi SaNzambé amateta Christ mbe: Kumu ami? Nôsabômu éne émavovo David. Angô mbe:

Matthieu 9:27

Jésus amanôtôga wangô gôékea na gô nyene tungu. Gômakeangô asi pogu abaé amaanda angô va ngima na amaadôngana mbe: Ewe, Muana aDavid eena we ngeba.

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 20:28

Thomas amamôneegeda mbe: Ewe Kumu ami. Ewe te Nzambé ami.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.