Matthieu 21:39 - New Testament in Mitsogo

³⁹ Ahmamôtsôpa na amakea n’edi na gô piakô atsagane. Gône amamôyôha.

Matthieu 21:39 Iomraidhean Croise

Matthieu 21:38

Tambô, akeneyie vamamôenahngô aviga, ahmavovo anguene n’anguene mbe: Nôeni ône angaviagana n’enyangee éatsagane vangawa kooko asô. Vigani tômôyôhéni. Na tsagane éngaba éasô n’anyô.

Matthieu 21:40

Jésus angô mbe: ?Vangaviga kumu éatsagane angeenda nayee n’akeneyie?

Matthieu 26:50

Jésus amamôbeenda mbe: Wee ami, ébaké mônogovo gavigi éwe gôéénda. Na vane avo ahmatsôpa Jésus gôékea n’edi.

Matthieu 26:57

Ane amatsôpa Jésus amakea n’edi na gôndé Caïphe pene éadeekedi adigondoku. Gône amadenga anigôi amige na peeye yAjuif andé wangô.

Jean 18:12

Géômbé samigode na môtômine waô, na migôdemie dôta miAjuif mimatsôpa Jésus na mimamôkata mogome.

Jean 18:24

Anne amakudéga Jésus agébaka na podiye, na gôndé Caïphe, pene adeekedie muetso adigondoku.

Mayanzame 2:23

Jésus madeo asibôtu, Nzambé amamenya mbe oma angamôkaba. Te ône amakomedanye va gésumu sowa. Nômamôyôhéda na mogo moma asagô.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Mayanzame 5:30

Nzambé ône amaneegedu na peeye yasô n’anyô na mbeego, amanikéa éétsa Jésus monyo, ône amakomeda anye va gésumu sowa gôémôyôhéda.

Mayanzame 7:52

Apandôédi muetso amatasa maNzambé amakuanô na peeye yanyô. Amayôha ane ameevéda gévigéô sone amatsimamani. N’atsatsee te anye nômakaba na nômayôhéda angô, ône amatsimamani avigini.

Jacques 5:6

Nômeeséda ane asibé n’oési na nômayôha ahngô gébé n’oési. Ahngô ahsanôkina.