Matthieu 21:29 - New Testament in Mitsogo

²⁹ Muanee amakékôa mbe: Tsakea. Tsanyôngéô éyanzee éne. Ivô gô pesu andéô amakoa matasa medi na amakea gôéyanza gô tsaga.

Matthieu 21:29 Iomraidhean Croise

Matthieu 21:28

Jésus amavovo mbe: Vôtanganôni éne énônigôa me. Mômôgôô môvo amabaka n’anedi amôgôô abaé. Amavovo na muana akuua mbe: Muanami, kiaka ôkeyanza deo noo gô tsaga.

Matthieu 21:30

Vane tétene amavovo na môvo muana te mônongovo. Muanee amamôaabéa mbe: Te nane téta, nakeyi. Ivô angô asikéé.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Mayanzame 26:20

Namapanga éékéda te asi Damas n’asi Jérusalem. Vane nameekéda na muetso gô tsenge ééndô mbe Judée, na dôta asi dipo tsenge. Nameekéda angô mbe: koani mitéma mianyô gôéba na wene mônongo amonyo. Géngôgani na gôndé Nzambé. Digaani na yanzani gôétubéda gakoyiô anye mitémamie.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.