Matthieu 21:28 - New Testament in Mitsogo

²⁸ Jésus amavovo mbe: Vôtanganôni éne énônigôa me. Mômôgôô môvo amabaka n’anedi amôgôô abaé. Amavovo na muana akuua mbe: Muanami, kiaka ôkeyanza deo noo gô tsaga.

Matthieu 21:28 Iomraidhean Croise

Matthieu 17:25

Pierre amaabéa mbe: ?Gondé? Avanaka. Vameengéa Pierre na gô eba n’angô madeo asivovo, Jésus amapanga évovo mbe: ?Ewe Simon ôtasa nayee? Ane avana depu na gôndé atômi atsenge ?yandaa? ?Te kumu yatsenge anguene avanani‐a? ?Vo te agendee avanani?

Matthieu 20:1

Jésus amavovo mbe: Oôkôni éne égoneda me ôkumu aNzambé. Ogono na kumu atsaga amamenegéa gôébambéa ayanzie mbe aviga aviyanza gô tsagedi éetété ééndô mbe ôvigne.

Matthieu 21:27

Vane ahngô ahmaabéa Jésus mbe: We tôsamenya. Na Jésus amanikéda ahngô mbe: Na me muetso tsoongôa énôbeenda gésa géviga ényangee yami éyanza me.

Matthieu 21:29

Muanee amakékôa mbe: Tsakea. Tsanyôngéô éyanzee éne. Ivô gô pesu andéô amakoa matasa medi na amakea gôéyanza gô tsaga.

Matthieu 21:33

Jésus amavovo mbe: Oôkôni épo tsava. Gômabaka mômôgôô, kumu éatsaga. Angô amagaaba tsaga edi éetété éamiônda étetu mbe ôvigne. Amamiguga môgômba. Amasaa gépénda na amasaa gédigéô gô ngongongongo samôkenene atsagane. Amavangana n’ayanzie. Amanôtôga gô tsengedi amakea môtôô.

Matthieu 22:17

Beenda we gookô éwe mitôma mimatsikéô we. ?Tôvanéa môtômi atsenge César depune vo tôsavana?

Marc 13:34

Jésus angô mbe: Te gandé môma akea môtôô. Atsika ebedi na ayanzi edi. Eetsa ahngô ényangee. Atsikéa môma na môma n’edi éyanza. Avovo na môkenene ombee mbe: Ombieeboga vio.

LUC TSANGO EAMOSOBA EMATENDA 13:4

Aanakani. Avo nzima na omo génana ahmawa gô Jérusalem vamapikô ahngô n’eba aSiloé agô ngongo ngongo ômakitségani. ?Nômenya mbe ahngô te amootéa ébévani na asi Jérusalem muetso-ma?

I Corinthiens 10:15

Anye nôndé oma andé n’eodo. ?Gô éne évovo me éva anye nôôkô nayee? Tanganédani.

I Corinthiens 15:58

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.