Matthieu 21:15 - New Testament in Mitsogo

¹⁵ Tsesu yadeekedi adigondoku n’anigôi amige miaNzambé asinyôngéô vameena ahngô mabégô mamayanza Jésus masoongôa môma énigôa. Anéngé amadenganô gô eba aNzambé amakuméda Nzambé mbe: Tôkumédéni Muana aDavid.

Matthieu 21:15 Iomraidhean Croise

Matthieu 20:24

Vamookô avo nzima aneengie mavoviame mane ahmakambôgéa Jacques na Jean.

Matthieu 21:23

Jésus ameengéa na gô eba aNzambé na ameekéda ome. Tsesu yadeekedi adigondoku na peeye yAjuif amaviga gôéévôa Jésus nyivô mbe: ?Enyangee éyanzewe mabégô mema, éviga gôni? ?One ameetsa éwe ôtômu gôéénda nane indaa?

Matthieu 21:9

Ane amakiaka va mbene aJésus na ane amaviga va ngima edi amaadôngana na gényônga mbe: Tôkumédéni Muana aDavid. Te mbe mate maNzambé mabaké gôndé ône avigi gô ina aKumu. Tôkumédéni Nzambé n’asi g’ôba muetso.

Matthieu 22:42

Gôébégô éaChrist, ône angatômu na Nzambé ?anye nôtasa nayee? ?Angô vita muana andaa? Apharisien amaabéa mbe: Angô te muana aDavid.

Matthieu 26:3

Gô ndéô nene tsesu yadeekedi adigondoku na peeye yAjuif amawanya gô gétungu gô eba aCaïphe, angô pene adeekedi muetso adigondoku.

Matthieu 26:59

Tsesu yadeekedi adigondoku n’asi kundu épôni éAjuif ahmadigaa gôébuta ébégô, buéyé mbe éapataga, gôéeséda Jésus gôémôyôha.

Matthieu 27:1

N’ongôngôe wetso tsesuye yadeekedi adigondoku na peeye yAjuif amabuta mônongoe ôngayôhu Jésus.

Matthieu 27:20

Tsesu yadeekedi adigondoku na peeye amoonguma na géômbége mbe: Nôenda te Pilate mbe: Kuséda Barabbas gô tsôgôô. Jésus ayôhu te yôhgu.

Matthieu 9:27

Jésus amanôtôga wangô gôékea na gô nyene tungu. Gômakeangô asi pogu abaé amaanda angô va ngima na amaadôngana mbe: Ewe, Muana aDavid eena we ngeba.

Marc 11:18

Tsesuye yakeekedi adigondoku, n’anigôi amige miaNzambé amookô ébégôe. Ahmabuta mônongo gôéyôha Jésus. Ivô ahmeena angô gomo gôébégô oma muetso ahmasôbasôbana gô mane mameekédaka Jésus.

LUC TSANGO EAMOSOBA EMATENDA 20:1

Nyovo Jésus ameekéda oma gô eba aNzambé Tsangô Eamôsôba. Tsesu yadeekedi adigondoku, n’anigôi amige miaNzambé, na peeye yAjuif amaviga na gôndé angô.

LUC TSANGO EAMOSOBA EMATENDA 22:2

Tsesu yadeekedi adigondoku, n’anigôi amige miaNzambé amabuta mônongo gôétsôpa Jésus v’esooe te gô gomo oma.

LUC TSANGO EAMOSOBA EMATENDA 22:66

Vamaagiia nyee géômbé satsesu yadeekedi adigondoku, n’anigôi amige miaNzambé gémawanya. Géômbége géne sakundu épôni éAjuif gémavigéda Jésus na va gatse akundune yaô.

Jean 11:57

Tsesuye yadeekedi adigondoku n’Apharisien ameetsa ôtômu mbe: One asabômu gétunguge géndé Jésus, avigé avibeenda we, tômôtsôpéda.

Jean 12:19

Apharisien amavovo anguene n’anguene mbe: Aanakani gasingéô angô n’oma muetso. Wa n’anyô tôtsayi géôngôé émôénda ébégô.

Jean 4:1

Apharisien amookô tsangô mbe: Aneengie ameetsô na Jésus bateme ôtangôe waô ôôtéa ône ômabatésu na Jean.

Jean 7:42

Matendeo MaNzambé matônigôa mbe: One eendô mbe Christ, angaba muana agô ébôta éaDavid. Angaviga gô Bethléhem, te môsenge ômadigaa David.