Matthieu 20:20 - New Testament in Mitsogo

²⁰ Yeene aJacques na Jean amaviga na gôndé Jésus n’anedi abaé. Amakotomo va mbene aJésus gôémôneegeda na gôémôduka ébégôe.

Matthieu 20:20 Iomraidhean Croise

Matthieu 10:2

Ane amasevoukuni na amatômuku na Jésus nzima n’oma abaé mina maô, ône amapanga te Simon amatetuku mbe Pierre, na muaneyedi André. Môvo te Jacques na muaneyedi Jean angô abaé te ana aZébédée.

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 15:25

Ivô môgetone amaviga gôésiba mabongo medi va mbene aJésus gôémôgondo mbe: Môékédi wedéa me.

Matthieu 2:11

Dimeengéa na gô eba. Ahmeena muanee na yeedi Marie. Ahmasiba mabongo maô va mbene amuanee na ahmamôneegeda. Na vane ahmapunzua magumba maô. Ahmabongo ôkiti aô gôéétsa dibiia. Ahmamôétsa dodo, na mônongo amôyombo atumbaga, na wene môyombo ôéndô mbe myrrhe.

Matthieu 27:56

Va gatse aô gômabaka Marie, môsi môsenge aMagdala, na Marie yeene aJacques na Joseph, na gômabaka dôta yeene anee aZébédée.

Matthieu 28:17

Vameena aneengie Jésus amamôneegeda. Ivô avo va gatse aô amatsuma paga.

Matthieu 4:21

Vamoombahngô ékea, Jésus ameena avo oma abaé, te Jacques na muanayedi Jean. Ahngô te ana aZébédée. Ahmabaka digaa gô mbôngô na tétaô Zébédée gôétata mbusa yaô. Jésus amabambéa ahngô mbe: Okani n’ami.

Matthieu 8:2

Vane môsi ébeea éagega amaviga na gôndé Jésus. Amasiba mabongo medi va mbene aJésus na amamôgondo mbe: Kumu ôkô mbe ônyôngéô ôsadagéô édôngéda me.

Marc 15:40

Avo ageto ahmabaka vangô ahmabono ahndé gôdagôda. Va gatse aô gômabaka Salomé na Marie môsi Magdala, na Marie yeene aJoses na aJacque ône amabaka mônzambu.