Matthieu 2:13 - New Testament in Mitsogo

¹³ Vamakea omee ane, môsi g’ôba amavigédu na Nzambé na gôndé Joseph gô ndoti. Amabeenda angô mbe: Nôtôga éva. Bongo muanee na yeedi. Busugani na gô Egypte. Gôébégô Hérode anyôngéô éyôha muanee. Digaani wangô ngu na vanganôbeenda me mbe: Nikani.

Matthieu 2:13 Iomraidhean Croise

Matthieu 1:20

Vamatasangô nane, ameena môsi g’ôba amavigédu na Nzambé na gôndé angô gô ndoti. Amavovo n’edi mbe: Joseph éwe môsi ébota éaDavid. Ombieena panda gôébaa ône amateteda éwe, Marie, tsangô mbe andé n’emé. Amatsua émee éne te gô ngudi yaGédidi SaNzambé.

Matthieu 10:23

Vangakuanô anye gô mbôkane édigaanye, tôtani na gô nyene mbôka. Me nanôpandôéda mabégô mema mapie. Nôsangoongôa ékôdéda mbôkaye yetso yagô tsenge éaIsraël mbe me Muana Amôma tsavigaka.

Matthieu 2:12

Nzambé amakeneda kumu yeodo évôni gô ndoti. Angô mbe: Nônanika na gôndé Hérode. Te vane kumuye dimakea nyene nzéa gôébuéa na gô tsenge yaô.

Matthieu 2:14

Joseph amatimôga. Amabongo yeene na muanee na pitsi. Amakea na gô Egypte.

Matthieu 2:16

Vameena Hérode mbe kumu yeodo dimamôenza na dimanika na gô tsenge yaô gô nyene nzéa, Hérode amaba n’opisa ôvôni. Amakudéga migode gôéyôha anee muetso ageage amabaka gô Bethléhem na gô tsengene nyetso ématômangô. Amayôha muetso, bandôa n’ana avembo ngu n’anee amabaka aka éma abaé. Ngu na mipuma mimookô Hérode na kumuye yeodo gô gétsigéô samônangee.

Matthieu 2:22

Ivô vamookô angô mbe Archelaüs aviagani v’enyangee éatétedi Hérode gôétôma gô Judée, amookô gomo gôénika na gô tsengene yangô. Angô n’ekenedu na Nzambé gô ndoti, amakea na gô Galilée.

Mayanzame 10:22

Agendee amamônigôa mbe: We tôvigi gô ina aCorneille, môtômi amigode. Angô te môma amôsôba aneegeda Nzambé. Ajuif muetso amômekeda. Môsi g’ôba amavigédu na Nzambé gôémôbeenda mbe: Wanyédé Pierre aviga na gô eboo. Ovôtanganô éne énganônigôa angô.

Mayanzame 10:7

Vamanôtôga môsi g’ôba vandé angô, Corneille amabambéa ayanzi abaé va gatse ayanzie wedi. Amabambéa na môgode môvo amabaka g’ôtômu edi. Môgodee nône amaneegeda Nzambé.

Mayanzame 12:11

Vane te vamamenya Pierre mbe: Tambô éé kaka ndoti éena me. Endé ti na gô pie. Kumu Nzambé amavigéda môsi g’ôba na gôndé me. Ayuui me gô maguga mabaki me mbe natubédu n’Ajuif. Awaati me gô mogo maHérode.

Mayanzame 12:7

Môsi g’ôba amavigédu na Kumu Nzambé amatsiga tsina na tsina. Gévede gévôni gématana gô tsongone émabaka Pierre. Môsi g’ôba amaginya Pierre va tsungu mbe: Timôgaka. Yavôga étema môtie. Vane pangaye dimabaka gô mogo maPierre dimatsôbôga na va tsina.

Mayanzame 16:36

Môgode amakea gôénigôa Paul mbe: Ane atômani amakudéga ôgi mbe: Kusédani amôgôôe ane. Tambô anye, kusakani na kiakani na gétabé.

Mayanzame 5:19

Na pitsi nene, môsi g’ôba amavigédu na Kumu Nzambé amasuma g’ôba na amakukua eba atsôgôô gôékuséda ane amatômukuni. Angô mbe:

Mayanzame 7:19

G’ôtômu edi amabôméda omasô n’anyô na amakuana peeye yasô n’anyô. Amatindahngô mbe anee waô ageage ayôhu.

Gétsutsuéô 12:14

Môgeto nône ameetsô papa dibaé yambééa gôéveea na gô tungu éedi gô tsenge émagasani ésaba môma. Gône te gôngakeneo angô éma étatô na gébéndéké eebakanéduku kabaga ambatô na Gényogonyogo.

Gétsutsuéô 12:4

Na môkôndôe wedi ômakaka ôkabô aminanga gôéminôtôa g’ôba. Gô minanga mitatô ômanôtôa ôvo. Amamigunya na gô tsina. Amatema va kôbangô amôgetone amabaka gôébôtani gôéenea muanee gôémôaa.

Gétsutsuéô 12:6

Môgeto nône amakea pita na gô tsenge émagasani ésaba môma. Gône Nzambé amamôkonzéa gédigaa gômbe angakeneo gô môtônisa na mikama mibaé na nzima môtôba yapitsi.