Matthieu 2:11 - New Testament in Mitsogo

¹¹ Dimeengéa na gô eba. Ahmeena muanee na yeedi Marie. Ahmasiba mabongo maô va mbene amuanee na ahmamôneegeda. Na vane ahmapunzua magumba maô. Ahmabongo ôkiti aô gôéétsa dibiia. Ahmamôétsa dodo, na mônongo amôyombo atumbaga, na wene môyombo ôéndô mbe myrrhe.

Matthieu 2:11 Iomraidhean Croise

Matthieu 1:18

Nôeni gamabôtu Jésus‐Christ. Yeedi Marie amateteduku na Joseph mbe: Nangamôbaa. Angô amabaka madeo asigésangana, Marie amatsua émé gô ngudi yaGédidi SaNzambé.

Matthieu 12:46

Jésus agévovoko na géômbége, yeedi n’adimi edi amaviga. Ahmabaka môtie va môkii gôémôenéa gôévovo n’edi.

Matthieu 14:33

N’avo aneengi ane amasanéaka gô mbôngône, amasiba mabongo maô va mbene aJésus gôémôneegeda. Amamôkuméda mbe: Na gô pie éwe te Muana ANzambé.

Matthieu 2:10

Vameenahngô mônangee ône, kumu yeodo ahmatsôkéa na gényônga gévôni.

Matthieu 2:2

Amôgôôe ane amabambéa mbe: ?Muanee abôtiôni, ône angaba Kumune éAjuif andé gôni? We tômeena g’ôba mônanga ômatubéda ôbôtue wedi. We tôvigi gô gésa gétsiga kômbéne gôémôneegeda.

LUC TSANGO EAMOSOBA EMATENDA 2:16

Ahmayavôga ékea na wangô. Ahmadenga Marie na Joseph na muanee andé yama gô gésô.

LUC TSANGO EAMOSOBA EMATENDA 2:38

Anne amatsiga gô eba aNzambé na amadenga Siméon na Joseph na Marie andé wangô. Anne amakuméda Nzambé. Vane gôndé muetso ameenéa Mooboyine angatômu na Nzambé gôéoboo Jérusalem, Anne amanigôa gameenangô muanee, Jésus mbe atsigi.

Jean 19:39

Nicodème dôta, ône amakea na mbeego gôévovo na Jésus na pitsi, amakea na Joseph. Nicodème amadipa nzumbine na mikanda miavembo na ameetéa môyombo.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 5:8

Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.