Matthieu 19:28 - New Testament in Mitsogo

²⁸ Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 19:28 Iomraidhean Croise

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 19:27

Pierre amasiia gô nyivô, angô mbe: Aanaka Kumu, we adua tômatsika éetso na tôndé ti gôékea nzéepo n’ewe. ?Gôndé we éngaba nayee?

Matthieu 20:21

Jésus ameevôa angô mbe: ?Ewe ônyôngéô ndé? Môgetone ône amavovo na Jésus mbe: Vangaba éwe gô ényangee éokumue woo, singéa anee wami abaé‐aa adigaa va kôbangô oo. Môvo gésa gémôgôô, môvo dôta gésa gégeto.

Matthieu 25:31

Vangaviga Jésus Muana Amôma n’obébayi ondômbedi aviga n’asi gôba ayanzi aNzambé muetso, Muana Amôma angadigaa gô gédigaa sedi sokumaka.

Matthieu 6:33

Pangani ébuta mane mokumu aNzambé na gôéénda éne ényôngéô angô, na vane angoomba énôkôndéga évo yôma ébutanye.

Matthieu 8:20

Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda.

Marc 10:37

Ahngô mbe: Vangaba éwe gô ényangee okumaka, ôbongo we tôngaba va kôbangô oô. Môvo gésa gémôgôô. Môvo gésa gégeto.

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

II Timothée 2:12

Okô tôsipi gô maguga, Tôngadigaa n’edi g’ôkumaka. Okô tôkini angô, Angô dôta angatôkina.

II Pierre 3:13

Géé wa n’anyô tôvéngéa ôba atsatsee na tsinane éatsatsee te gamavanga amuene Nzambé. Wangô gôngabaka te étsimama.

Gétsutsuéô 11:16

Nzima dibaé na payi dinayi andé digaa gô édigee yaô éokumaka va mbene aNzambé ahmagudama diôsô yaô na gô tsina. Amakuméda Nzambé mbe:

Gétsutsuéô 12:1

Gémbégéage gévôni gématsiga g’ôba. Te môgeto amadipô na ômandee gadipô môma na môkanda. Ngondene émabaka va makôdô medi. Na gô môtsé te gépôkôdô sokumaka géndé na nzima éaminanga na minanga mibaé.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.

Gétsutsuéô 22:2

Mbéne éôta va gatse éanzéane éamôsenge. Va kôbangô ambéne na gésa na gésa te géétété géétsa monyo gébôta miônda miedi gô géma gévo nzima akuka na kuka dibaé. Gébôta gô ngonde na ngonde kukepo. Na yabi yedi te mbôga édôngéda asi tsengeye yetso.

Gétsutsuéô 22:5

Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.

Gétsutsuéô 4:4

Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

Gétsutsuéô 7:4

Me Jean, namabeendu ôtangôe ane ahmeembo ndémbô étubéda ina aNzambé gô panza yaô. Otangôe te môkamovo na nzima dinayi yamitônisa mioma ma mitônisa minayi mioma. Ahmabaka ôtangôe ône gô mongo metso masi Israël.