Matthieu 19:21 - New Testament in Mitsogo

²¹ Jésus amavovo n’edi mbe: Okô ônyôngéyiô éba gébé n’oési, kiaka ôkesômbéda éetso éndé n’ewe. Obongo dodeye ôkekabanéa na misuga. N’ewe ôngaba n’okiti g’ôba. Na vane ôviga gôékea nzéepo n’ami.

Matthieu 19:21 Iomraidhean Croise

Matthieu 16:24

Vane Jésus amavovo n’aneengie muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé geômbé gévo n’ami.

Matthieu 19:20

Mômôgôô nône amabaka te madeo asidômbéa, amaabéa Jésus mbe: Migemie mine, na mitômamie mine mietso, me namigobeda. ?Va mbenene vane nangeenda nayee?

Matthieu 19:22

Ivô vamookô mônzambu ôgie ône gédimô sedi gémadita na amakea na mônyongo. Môtémedi ômeena panda gôébégô amabaka n’okiti edi ôvôni.

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 4:19

Jésus amabambéa ahngô mbe: Vigani, ôkani nzéepo n’ami. Anye agunyi ambusa, gavooto anye nyama, me nanganôkoa avooti oma na gôndé me.

Matthieu 5:48

Tétanyô ône andé g’ôba andé ti gébé n’oési gô mabégô metso. Tambô bakani gandé angô.

Matthieu 8:22

Ivô Jésus amamônikéda mbe: Oka géômbé gévo n’ami. Ane amawani agunyédéké anguene.

Matthieu 9:9

Vamakea Jésus oota nani, ameena mômôgôône atetu mbe Matthieu, andé digaa gô tsongo émavanô dode yadepu. Jésus amamôbambéa mbe: Oka nzéepo n’ami. Matthieu amatimôga na amakea géômbé gévo na Jésus.

Marc 10:21

Jésus amamôbono na gényônga. Angô mbe: Gôndé éwe gôsanéyi ébégô évo. Kiaka sômbédé éetso éndé n’ewe. Bonge dodeye ôkekabanéa misuga. N’ewe ôngaba n’okiti g’ôba. Na vane ôviga. Oka nzéepo n’ami.

Marc 2:14

Vamoota Jésus oota nani, ameena Lévi muana aAlphée andé digaa gô tsongo ékôkégu dode yedepu. Amamôbeenda mbe: Oka nzéepo n’ami. Lévi amatimôga na amakea na Jésus géômbé gévo.

Marc 8:34

Na Jésus amabambéa géômbége n’aneengie na amavovo mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé géômbé gévo n’ami.

LUC TSANGO EAMOSOBA EMATENDA 12:33

Sômbédani ôkitie wanyô. Itsani misuga dodeye dingadiianye. Gényôgani gôédiia gékeneoge sadode gésatubégani. Vagani ôkitie wanyô gô tsenge ag’ôba. Gône ôsangadimbana. Eesuie asangaôdenga. Mangbangba masangaôbunza.

LUC TSANGO EAMOSOBA EMATENDA 14:33

Va vane Jésus amatimbôanéda mbe: Gôndé anye te mônongovo. Gôsaba môma angakea n’ami nzéepo gôéba môneengi ami, angô gékiné éetso éndé n’edi.

LUC TSANGO EAMOSOBA EMATENDA 16:9

Jésus amanigôa ahngô mbe: Me nanôongo ndongi mbe ôkitie ôndé ébégô édagani, ivô ôkô nôndé n’angô yanzani n’angô gôévamba n’oma. Nyee ôngagôga angô nôngeengédu na g’ôba gô tsenge éamôbô na môbô.

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

LUC TSANGO EAMOSOBA EMATENDA 5:27

Vamoota ébégôe éne, Jésus amakea gô nzéa. Ameena Lévi, môbongi adepu andé digaa gô tsongo émavanô dode yadepu. Amamôtôma mbe: Oka nzéepo n’ami.

LUC TSANGO EAMOSOBA EMATENDA 6:40

One eekéduni asangootéa môékédine wedi. Ivô ane eekédiôni ôkô amenya ti v’ekôdéô éamenyaga angaba ga môékédine waô.

LUC TSANGO EAMOSOBA EMATENDA 9:23

Vane Jésus ameekéda muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa pitsi yetso na akee géômbé gévo n’ami.

Jean 10:27

Mandombo mami mookô ôgie wami. Me tsabômu mangô. Mangô dôta makea géômbé gévo n’ami.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Mayanzame 2:45

Ahngô amasômbédaka yeba yaô na yômee yaô, na amakabanaka gamadiiangô. Ameetsô môma na môma gô mônongoe ômabaka na angô ôgômbô.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.