Matthieu 19:16 - New Testament in Mitsogo

¹⁶ Mômôgôô môvo amaviga na gôndé Jésus gôémôévôa nyivô mbe: ?Môékédi, nangeenda éyanza ndé éamôsôba gôédiia monyo amôbô na môbô?

Matthieu 19:16 Iomraidhean Croise

Matthieu 19:15

Jésus amatsakéga mogo medi gôndé anéngée na vane Jésus amatimôga gône na amakea.

Matthieu 19:26

Jésus amabono angô na amaabéa mbe: Gô ngudi yamôma amuene, géndégégé. Ivô amuene Nzambé asadagéô ta n’ebégô évo.

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Jean 10:28

Me neetsa mangô monyo amôbô na môbô na masangawa. Gôsaba môma oongôa émawata gô mogo mami.

Jean 12:25

One anyôngéô ékenea monyoe wedi gôédômbéa n’angô, angaôdimbanéda. Géé ône avinga monyoe ôdigaa n’edi gô tsengene angaôkenea môbô na môbô.

Jean 3:15

Gômbe ône eetsa môtémedi wetso na gôndé me angaba na monyo amôbô na môbô.

Jean 4:14

One anganyua meba mangamôétsa me, asangoombadô éôkô sôé. Na mebame mangamôétsa me mangakoga gôndé angô gétôka gébunduga wene monyo, ône amôbô na môbô.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Jean 6:47

Me nanôbeenda ébégôé éapie édué mbe, ône eetsa me môtémedi wetso andé na monyo amôbô na môbô.

Jean 6:68

Simon Pierre amamôaabéa na nyivô mbe: ?Kumu, we tôngakea na gôndé ndaa? Ewe ôndé na mabégôme meetsa monyo amôbô na môbô.

Mayanzame 16:30

Amakuséda ahngô gô tsongone émabakahngô. Ameevôa ahngô mbe: Amôgôô n’ami ?Gôédiia géobogeo neenda nayee?

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 5:21

Va mbeego ébéva émabaka n’otômu gôétôétsa ôwa. Ivô ndéô yedi ngeba yaNzambé dindé n’otômu gô étsimama éedi gôétôétsa monyo amôbô na môbô. Monyoe ône ôndéké gôndé Kumu asô n’anyô Jésus-Christ.

I Timothée 1:16

T’ebandô Nzambé ameena me ngeba. Amanyôngéô mbe ôkana angeba yaJésus‐Christ dienanô gôndé me, pene oma abévani. Amanyôngéô mbe ébégôe édué émenyanganô na muetso ane ahngamôétsa mitéma miaô gôédiia monyo ôsakôdéakani.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

I Timothée 6:19

Gôénda ahngô nane, andé gôévaga ôkiti ôvôni agétangégé na ôsagôgani. Na angadiia monyoe apie amôbô na môbô.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Tite 3:7

Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô.

I Jean 1:2

Vamatsutsuga monyoe ône tômeena angô. T’ebandô we tôndé mbangiye gôénôtsuéa tsangône na tônôékéda mane mamonyoe ôdôô amôbô na môbô ône amabaka vavo na Téta Nzambé.

I Jean 2:25

Nôeni éne émavanga Christ gôétôétsa te monyo amôbô na môbô.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

Jude 1:21

Nômbiaagana n’etondo éaNzambé. Sipani gô éangô, nôndé gôéenea monyo ôsakôdéakani, ône ôngeetsô wa n’anyô na Kumu asô n’anyô Jésus‐Christ gô ngeba yedi.