Matthieu 18:31 - New Testament in Mitsogo

³¹ Akedi muetso asi éyanzevo ahmeena éne émabuéani. Ahmabaka muetso na mitéma miditani gô éne émeenahngô. Ahmakea ahmamôsunda gôndé kumu éeyanzee.

Matthieu 18:31 Iomraidhean Croise

Matthieu 14:9

Hérode amasiô na singididi. Asiôngôé émôkékôéa éne émadukangô gôébégô oma ahmakôvangô amookô gamavangana ahngô. Amatôma migode gôéviga na éne émanyôngéô muanee.

Matthieu 18:28

Na mômôgôô nône, vamakusangô amawanya na môkedi, angô abaé asi éyanzevo. Môkedi amabaka n’edi na môtete av’okana. Amamôtsôpa va môngônga mbe: Vana me môtete.

Matthieu 18:30

Kumu amôtete asinyôngéô. Ameengéda môkedi na gô eba atsôgôô ngu na vangavanangô môtete.

Matthieu 18:32

Kumu éeyanzee amabambéa môyanzi edi mbe: Ewe te môyanzi môbévani. Gômaduka éwe me ?tsigôene ngeba gôégônzeegeda môtete ôvôni‐a?

Marc 3:5

Te vane Jésus amabono ahngô n’opisa. Ameena panda gô disôba yamitéma miaô. Amavovo na gékonzoge mbe: Konyoko ôgogoe woo. Amookonyo na ômadônga.

LUC TSANGO EAMOSOBA EMATENDA 14:21

Môyanzine amanika gôébeenda kumu éamôambôe mbe: Ane abambéyiôkôni ahsiviga. Na vane, kumu éamôambôe asiene buedi, amaba n’opisa. Amatôma môyanzine mbe: Kiaka bambéa misuga na tôpôpéa n’asi pogu n’ane atsuédimani.

LUC TSANGO EAMOSOBA EMATENDA 19:41

Vamatsiga Jésus aka gô étumba éaJérusalem, ameena môsenge wetso na amadéa.

Romains 12:15

Tsôkéakani n’ane atsôkéani. Déakani n’ane adéani.

II Corinthiens 11:21

Me môékédi abobo, tsibé na dienza gôénôénda nane. Tambô me nandé na tsoyi gôébégô anye nootéa ényôngéô oma adienza. Ivô ôkô mbe gôndé môma andé ngu gôéabatéda amuene, te me Paul navovoni ôdôô. Navovo ti eembe, tsôga.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

Hébreux 13:3

Nômbieeba asi gô eba atsôgôô. Keneani ahngô ga te anyene nôndé gô eba atsôgôô ôdigaahngô. Nômbieeba ane andé gô tsina agékuanô, wedéani ahngô ti eembe te anye nôndé gô gékuanôge gédigaahngô.