Matthieu 18:3 - New Testament in Mitsogo

³ Jésus amatubéda mbe: Me nanôbeenda ébégô édué éapie. Okô anye nôsakoa mitéma mianyô gôéba mônongovo ga muanéngé, nôsangeengéa g’ôkumu aNzambé.

Matthieu 18:3 Iomraidhean Croise

Matthieu 13:15

Gôébégô mitéma miomee adua mindé na diyunga na misabangôa. Ahngô akukéga matôme mao, Na eema misome maô. Kabaga misome meena. Na kabaga matôme mookô. Na kabaga mitéma miaô misinga, na kabaga ahngô akoa matasame maô gôéviga na gôndé me gôédôngédu.

Matthieu 18:2

Jésus amabambéa muana amuanéngé na amamôtemeda va miso maô.

Matthieu 18:4

Pene ag’ôkumu aNzambé te ône aasugéda amuene gébé na bôpeeo gôéba ga muanéngé.

Matthieu 19:14

Jésus amavovo mbe: Tsiikani anee avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké g’anéngé adua.

Matthieu 19:23

Jésus amanigôa aneengi edi mbe: Nanôbeenda na gô pie mbe énde ti édagani gôndé gékiti gôéengéa g’ôkumu aNzambé.

Matthieu 5:18

Me nanôbeenda na gô pie mbe ta na vibénda vivo viaMatendeo MaNzambé vingabusuni ngu na vangamangôa viangô éyanzee éedi, buétsé te tsina n’oba épanga éôta.

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

Matthieu 6:16

Vakinanye môyakô gôévovo na Nzambé, anye nôkinini, nômbiaduta ésunga gôényemôga geenda asi enyepa éamiônya. Angô anyinyama gôétubéda oma mbe: We tôkini môyakô gôévovo na Nzambé. Nanôbeenda na gô pie mbe gôndé ahngô asabadô na tsoongo, amani édiia misendamie miaô.

Matthieu 6:2

Okô éwe ôétsi misuga yôma ôbiia ônatoongo môsosi gôébuta éenanô n’akoo mbe: Odôô te ône eetsini. Asi enyepa éamiônya eenda te nane gô yeba yewanyéô na gô nzéa buta mbe oma akuméda ahngô. Me nanôbeenda na gô pie mbe angô amani édiia ôséngue waô n’oma. Asangeetsô ôséngu na Nzambé.

Matthieu 6:5

Asi enyepa éamiônya anyôngéô étema mitie gôévovo na Nzambé gô yeba yewanyéô na gô magô manzéa gômbe oma angakuméda ahngô. Ivô anye vavovo anye na Nzambé, nômbienda mônongovo geenda ahngô. Me nanôbeenda na gô pie mbe gôndé ahngô asabadô na tsoongo, amani édiia misenda miaô.

Marc 4:12

Endé te nane. Ahngô ahngeena ivô gémanéé. Ahngô angookô ivô génigôgéô. Ahngô kabaga ahkoga na ahngô kabaga ahsingéô kokoo gô ébévee éaô.

LUC TSANGO EAMOSOBA EMATENDA 13:24

Gényôgani gôéengéa g’ômbee ôgeôge. Menyani na gô pie mbe ayekani anganyôngéô éengéa gô angô ivô asangoongôa.

LUC TSANGO EAMOSOBA EMATENDA 22:32

Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

Jean 1:51

Jésus amoomba énigôa mbe: Nôngeena ôba ôkukuga. Asi g’ôba angavigédu na Nzambé, angabata na angasuma vandé me, Muana Amôma.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 28:27

Gôébégô mitéma miomeaa mindé na ndiba. Amani ékugéga matô maô. Amani eema miso maô. Kabaga misome maô meenéa Na kabaga matôme maô mookô Na kabaga mitéma miaô misinga Na kabaga agéngôga na gôndé me mbe naadôngéda. One avovoni te memuene Nzambé.

Mayanzame 3:19

Tambô koani mitéma mianyô gôéba wene mônongo oma. Géngôgani na gôndé Nzambé mbe anônôtôa ébévee éanyô.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.