Matthieu 18:19 - New Testament in Mitsogo

¹⁹ Me Jésus nanôbeenda mbe: Okô omami abaé asi tsengene, avangana gôéduka Nzambé pati yebégô g’ôsambô, Téta, ône andé g’ôba angasingéa môdukée waô.

Matthieu 18:19 Iomraidhean Croise

Matthieu 21:22

Okô anye nôétsi mitéma mianyô mietso gô éne édukanye Nzambé g’ôsambô, nôngeena éangô.

Matthieu 5:24

Tambô éne éndé n’ewe gôéétsa Nzambé ôbiia, ôtsika éangô gô eba gône. Kusa. Kea na gôndé môkoo, buéyé gandé éwe gébé n’oési, ôkekônza ébégôe anye n’edi. Vane nikea éengéa na gô eba aNzambé gôémôdeekeda ôbiie woo.

Matthieu 7:7

Dukani na môvinéné, na nôngeetsô. Butani na môvinéné, na nôngadenga. Bôkédani v’okuké na môvinéné na nôngakukuéô.

Marc 11:24

T’ebandô me navovo n’anye mbe vadukanye Nzambé ébégô, itsani na mitéma mianyô mietso mbe nômani éédiia. Na angô anganôétsa.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 15:7

Okô nôndé môvo n’ami, na mabégô mami mandé gô mitéma mianyô, dukani éne ényôngéô anye, n’anye nôngeetsô éangô.

Jean 16:23

Nyoone, anye nôsangadôtsapéô ébégô gôéévôa me nyivô. Nanôbeenda na gô pie mbe Téta Nzambé anganôétsa metso mangamôdukanye gô inami.

Mayanzame 1:14

Ahngô muetso amakôkangana vavo kuka yetso gôévovo na Nzambé. Ahngô na agetoe, na Marie yeene aJésus na aneyee amôgôô aJésus.

Mayanzame 12:5

Emabaka te nane. Pierre amabaka digaa gô eba atsôgôô amakeneo na migodemie. Asi mbumu éaNzambé amavovo na Nzambé na pitsi n’omanda gôémôduka gôndé Pierre.

Mayanzame 16:10

N’ongôngô ône tômabuta nzéa gôébuéa gô Macédoine. Tômamenya na gô pie mbe Kumu Nzambé abambéyi we gôétsua Tsangô Eedi Eamôsôba na gôndé asi tsenge nene.

Mayanzame 6:4

Vane we tômatômuni, tôsangayungédu na mabégô mayekani. Tôngaba ndéô yetso gôévovo na Nzambé na gôéékéda.

Philippiens 1:19

Tsabômu mbe gô ngudi yadisambô divovo anye na Nzambé gôndé me, na gô ngudi yaGédidi gémeetsô wa n’anyô na Jésus‐Christ, mabégôme metso makoga maka mamisôba gôndé me.

I Jean 3:22

Wa n’anyô tôdiia gôndé angô metso mane maduka we te gôgobeda we mitôma na mige miedi na tôénda gô mabégô metso te éne ényôngéô angô.