Matthieu 18:10 - New Testament in Mitsogo

¹⁰ Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:10 Iomraidhean Croise

Matthieu 1:20

Vamatasangô nane, ameena môsi g’ôba amavigédu na Nzambé na gôndé angô gô ndoti. Amavovo n’edi mbe: Joseph éwe môsi ébota éaDavid. Ombieena panda gôébaa ône amateteda éwe, Marie, tsangô mbe andé n’emé. Amatsua émee éne te gô ngudi yaGédidi SaNzambé.

Matthieu 12:20

Vangeenangô makôkôkôkô mamakotomoni asangabôkôa mangô. Asangeeméda dambi ébandôa éémani. Angayanza gô mônongoe wedi gôéétsa mitayi gôndé ane andé na mitayi.

Matthieu 18:14

Gôndé Tétasô n’anyô g’ôba éndé te mônongovo. Asanyôngéô ta na muanéngé môvo adimbana.

Matthieu 18:6

Okô môma anyôngéô ébôméda muana andé môtémovo n’ami, buedi mbe nôditéga étaé évôni va môngônga amômane na nômôgunya gô mubu kabaga abômédadô muanee.

Matthieu 2:13

Vamakea omee ane, môsi g’ôba amavigédu na Nzambé na gôndé Joseph gô ndoti. Amabeenda angô mbe: Nôtôga éva. Bongo muanee na yeedi. Busugani na gô Egypte. Gôébégô Hérode anyôngéô éyôha muanee. Digaani wangô ngu na vanganôbeenda me mbe: Nikani.

Matthieu 2:19

Vamawa Hérode, môsi g’ôba amavigédu na Nzambé amatsiga na gôndé Joseph gô ndoti gô Egypte.

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

LUC TSANGO EAMOSOBA EMATENDA 1:19

Vane môsi g’ôba amamôaabéa mbe: Me te Gabriel. Me te môyanzine aNzambé. Amatôma me mbe naviga gôébeenda éwe tsangône édué éamôsôba.

LUC TSANGO EAMOSOBA EMATENDA 10:16

Jésus amavovo n’aneengie edi mbe: One ookéô anye, ookéô te na me. One akina anye, akina te na me. Na ône akina me, akina te na ône amatôma me.

LUC TSANGO EAMOSOBA EMATENDA 16:22

Môsugee amawa. Asi g’ôba amavigédu na Nzambé gôémôtsua na vandé Abraham. Gékitige dôta amawa. Amagunyu.

Mayanzame 10:3

Nyovo gô ndéô étengama kômbéne ameena ébégôe te andé nani gébé gô vio. Ameena môsi g’ôba amavigédu na Nzambé ameengéa na gô ebedi. Môsi g’ôba amamôbambéa mbe: Corneille.

Mayanzame 12:15

Akedi amamôdékéda mbe: Tsika. Apatéda nane. Ivô tômbône amoomba mbe: Me tsapatéda. Te na gô pie andé v’ombaa. Akedi ahngô mbe: Eé-éé, ôeni te môsi g’ôba avigédiô na Nzambé gôékenea angô.

Mayanzame 12:23

Oma andé gôémôkuméda nane, môsi g’ôba amavigédu na Kumu Nzambé amamôétsa tsina na tsina ébeea évôni. Otô aHérode wetso ômakaaô na pingô yamikiyô na amawa. Amasisédu nane gômawaatangô Nzambé kumane yedi mbe angô môma akumédu yangô.

Mayanzame 27:23

Menyani mbe Nzambé, kumu ami amonyo, ône ayanzéa me amavigédéa me môsi g’ôba na pitsi.

Mayanzame 5:19

Na pitsi nene, môsi g’ôba amavigédu na Kumu Nzambé amasuma g’ôba na amakukua eba atsôgôô gôékuséda ane amatômukuni. Angô mbe:

Romains 14:10

?Ewe ndaa ôeséda muana aTétee n’oo? ?Ewe ndaa ôdeta muana aTétee n’oo? Wa n’anyô muetso tôngatandama va mbene aNzambé gôétsundédu n’edi.

Romains 14:21

Ene éôtéa éamôsôba gôndé éwe, te mbe ôkina éaa nyama na ôkina ényua maduku na ôkina éetso éngoongôa ékuéséda muana aTétee n’oo na kabaga akuéa gékôba gôénika na gô ngima.

Romains 15:1

Wa n’anyô tômani éoodo gô mabégô maNzambé mameetsa we mitémamie, tôndé n’eyanza gôéwedéa ane agédeedakani gô mbumu éaNzambé gôésipéda ahngô. Tôsangoongôa édigaa gô monyo ôdôô gô gényônga sawa n’anyôene.

I Corinthiens 11:22

?Tambô anye nôsaba na yeba yanyô gôéaa na gôényua ganyôngéô anye‐a? ?Nôbuta ébévéda mbumu éaNzambé‐a? ?Nônyôngéô étubéda tsoyi gôndé ane adônga te gô ngudi yambumu éaNzambé‐a? ?Gô mônongoe ôéndanye ône nangavovo n’anye vita mbe ndé? ?Nônyôngéô me nanôkuméda‐a? Tsangoongôa énôkuméda.

I Corinthiens 16:11

Nômbiamôenza. Itsani angô mane manyôngéô angô akea môtôôe na gétabé, buta mbe abuéa na vandé me éva. Me neenéa angô na ana aTétee n’edi andé n’edi.

I Corinthiens 9:22

Vadigaa me va gatse ane madeo asisipa buedi gô mabégô maNzambé, éndé te nane. Me nawanyéda moonga na oma muetso gômbe gô minongo mietso miôngôa me éyanza va gatse aô, avo angawesedu na gôndé Nzambé.

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 10:10

Tsabômu éne évovo avo va gatse anyô. Avovo mbe: Mavoviame mesangô étenda Paul madaga, na maduméda we mitéma. Ivô vatema amuene va miso masô, andé ti gédebe na asoongôa évovo.

Galatie 6:1

Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.

1 Thessaloniciens 4:8

T’ebandô ône akina ndongi yedi asakina ôgi amôma, akina te ôgi aNzambé ône ameetsa we Gédidi sedi.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

Gétsutsuéô 8:2

Na vane, nameena asi g’ôba tsambué te ayanzie aNzambé andé mitie va mbene edi. Ameetsô émbômba tsambué.