Matthieu 17:27 - New Testament in Mitsogo

²⁷ Buéyé mbe nane, wa n’anyô tôsanyôngéô ébévéda adua. T’ebandô éwe Pierre kiaka na gô mubu, kuya éobo. Yuua nyamane éamapanga. Kukua yangô mônyee. Ongadenga dodeye diwanya n’otangôe adepune éasô n’oo. Okea na yangô ôkedivana depune.

Matthieu 17:27 Iomraidhean Croise

Matthieu 17:26

Pierre amaabéa mbe: Ane avanani te agendee. Jésus amanigôa mbe: Ii, ékegea te nane. Anguene kumu yatsenge asavanaka.

Matthieu 18:6

Okô môma anyôngéô ébôméda muana andé môtémovo n’ami, buedi mbe nôditéga étaé évôni va môngônga amômane na nômôgunya gô mubu kabaga abômédadô muanee.

Matthieu 18:8

Okô ôgogoe woo na ôkôdôe woo ôndé ga pagô gôégôkubéda gô mabégô mabévani, kitsa angô. Gunya angô gôdagôda n’ewe. Okô ôndé n’ogogo ôvo na ôkôdô ôvo, na monyo apie gô môtémoo, ésadaga gôndé éwe. Okô ôndé na mogo moo mabaé na makôdô moo mabaé, na ôkea na gô mungu asoto, te éne éôtéa édagani. Gône te gô sotoge géseemakani.

Matthieu 5:29

Okô isoe yoo éagéeyo gémôgôô éndé ga pagô gôégôkubéda gô mabégô mabévani, tambô yuua éangô na gunya éangô gôdagôda n’ewe. Okô ôkonzogi iso évo, gôndé éwe ésaba édagani. Ivô, ôkô ôtôe woo wetso ôgunyu gô mungu asoto, te ébégô éôtéa édagani.

Matthieu 5:30

Na dôta, ôkô ôgogoe woo agéeyo gémôgôô ôndé ga pagô gôégôkubéda gô mabégô mabévani, tambô kitsa ango na gunya angô gôdagôda n’ewe. Te nane. Okô éwe ôkonzogi ôgogo ôvo, gôndé éwe ésaba édagani. Ivô ôkô ôtôe woo wetso ôgunyu gô mungu asoto, te éne éôtéa édagani.

Marc 9:42

Okô môma anyôngéô ébôméda muana andé môtémovo n’ami, buedi mbe nôditéga étaé évôni va môngônga amômane na nômôgunya gô mubu kabaga abômédadô muanee.

Marc 9:43

Okô ôgogoe woo ôndé ga pagô gôégôkubéda gô mabégô mabévani, kitsa angô. Okô ôndé n’ogogo ôvo na monyo apie gô môtémoo, ésadaga gôndé éwe. Okô ôndé na mogo moo mabaé na ôkea na gô mungu asoto, te éne éôtéa édagani. Gône te gô sotoge géseemakani. [

LUC TSANGO EAMOSOBA EMATENDA 17:2

Buedi mbe nômôditéga étaé évôni va môngônga na nômôgunya gô mubu kabaga abôméda muene.

Jean 6:61

Jésus asibômu mbe aneengie akea agiangana gô mane mamavovo angô. Na ameevôa ahngô mbe: ?Nôdagéyiô mane mavovi me-a?

Romains 14:21

Ene éôtéa éamôsôba gôndé éwe, te mbe ôkina éaa nyama na ôkina ényua maduku na ôkina éetso éngoongôa ékuéséda muana aTétee n’oo na kabaga akuéa gékôba gôénika na gô ngima.

I Corinthiens 8:13

T’ebandô ôkô môyakô ôndé na ngudi yebévéda muana aTétee, tsangadôaa nyamane kabaga nakuéséda muana aTétee n’ami gôéénda éne ébévani.

I Corinthiens 8:9

Buéyé mbe nane tôweméni. Wa n’anyô tômakusédu g’ôvéga amatasa mambumba na môyakô ôaa wa n’anyô ôsangatôbongo g’ôvéga gôéba n’edi. Ivô tôweméni kabaga akasô madeo asisipa pepe gô mabégô maNzambé akuéa veenahngô we tôaa.

II Corinthiens 6:3

We eekédi tônyôngéô édigaa na éyanza gô mônongo amôsôba gômbe gôsangaba môma angeetsa we ôési gô môdigédie wasô. Tôsanyôngéô ékuéséda môma ta n’ebégô évo.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

1 Thessaloniciens 5:22

Aaganani na mabégô metso mabévani.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.