Matthieu 17:20 - New Testament in Mitsogo

²⁰ Jésus amaabéa angô mbe: Paga yanyô dipoo. Nanônigôa ébégô édué éapie. Okô nôétsi mitémamie, pengo vi pesu, évundee ga môbie apivi, nôngayanza mabégô mavôni. Nôngatôma môkôdi mbe: Nôtôga éva, kea na vane. Na môkôdie ônganôtôga. Nôsangadagéô ébégô. [

Matthieu 17:20 Iomraidhean Croise

Matthieu 13:31

Jésus amoomba égunya épo tsava mbe: Okumu aNzambé ôgono na môbie ôéndô mbe moutarde ômamuaka môma gô tsagedi.

Matthieu 14:29

Jésus amamôbambéa mbe: Vigaka. Pierre amasutuméa gô mbôngône na amakea ayeta gô ngongo amebame gôéwanyéda Jésus.

Matthieu 17:17

Jésus amavovo n’angô mbe: Ti anye asi pitsi yedi nôndé ti asi paga n’abévi. ?Nangoomba édigaa n’anye pitsi dikee? ?Nangoomba ésipéda anye éma ékee? Vigani na muanee.

Matthieu 17:19

Aneengie amawesea na vandé Jésus andé v’amuene gôémôévôa mbe: ?Ebégô ndé ésiôngôé we ékuséda gédidige géne?

Matthieu 17:9

Vamasutuméa ahngô gô môkôdie ône, Jésus amavovo n’aneengie mbe: Nômbiabeenda môma ta na môvo éne éeni anye. Nôngabeenda te vangakunduga me, Muana Amôma g’ôwa.

Matthieu 21:21

Jésus amanigôa ahngô mbe: Nanôbeenda na gô pie mbe ôkô anye nôétsa mitémamie mietso, gétsumé ngudi yaNzambé paga, nôngeenda éne ééndi me na géététége, na nôngeenda mavo mabégô mootéa mavôni. Nôôngôa évova na môkôdi ôdôô mbe: Môtôga na gô mubu. Na angô ôôngôa énôtôga na gô mubu.

Matthieu 8:26

Jésus amaabéa ahngô mbe: ?Anye nôena gomo na nôtatéa nayee? ?Tambô nôgétsumaka ngudi yami paga‐a? Jésus amatimôga na amadékéda gékungage na miyôkiyôkimie. Vane mubue ômaba na sinzii.

Marc 11:22

Vane Jésus amavovo n’aneengi edi mbe: Nônatsuma ngudi yaNzambé paga. Na gô pie nanôbeenda mbe

Marc 11:23

nôongôa évovo na môkôdi ôdôô mbe: Môtôga vane, kea ôkekuyaméa gô mubu. Okô anye nôsiba na buétsé gô mitéma mianyô na nômenya na gô pie mbe éne évovi anye éngeenanô. Menyani mbe nôngeena éangô éngaba.

Marc 4:31

Okumu aNzambé ôgono na môbie ôéndô mbe moutarde. Vagaabô angô gô toto, ôôtéa ôge na mibiemie mietso miava tsina.

Marc 9:23

Jésus angô mbe: ?Nayee ôénda mbe: Okô mbe ôngoongôa? Gôndé ône eetsa môtémedi westo éngeendégégéa.

LUC TSANGO EAMOSOBA EMATENDA 1:37

Bangôa mbe gôndé Nzambé gôsaba ébégô ésangeendégégéani.

LUC TSANGO EAMOSOBA EMATENDA 17:6

Vane Kumu Jésus amanigôa ahngô mbe: Okô nôkini paga nôétsa Nzambé mitémamie pengo vipesu, évundee ga môbiie ôgeôge ôéndô mbe moutarde, nôngeena mane mangayanzanye. Nôngavovo na géététe mbe: Yuuéga vane kiaka ôkekuyaméa gô mubu. Na géététége génganôôkéô.

LUC TSANGO EAMOSOBA EMATENDA 18:27

Jésus amanigôa angô mbe: Ene édagéô môma gôéénda, Nzambé asaédagéô.

Jean 11:40

Jésus amavovo n’edi mbe: Me tsigômanaka égôbeenda mbe ?ôkô ôsitsuma ngudi yami paga ôngeena ôndômba aNzambé ôsutuméa?

I Corinthiens 12:9

Na Gédidige sangô dôta géétsa gôndé môma môvo môgôôe wedi te gôéba gétsumé ngudi yaNzambé paga gô éne ényôngéô Nzambé éyanza. Na gôndé môvo, Gédidi géétsa môgôô enyangee éédôngéda abeeyi.

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

Hébreux 3:19

Vane wa n’anyô tôena na vede mbe omeaa asiôngôé éengéa na gô tungu éagévôgiméô, te gô pagaye yaô.