Matthieu 16:24 - New Testament in Mitsogo

²⁴ Vane Jésus amavovo n’aneengie muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé geômbé gévo n’ami.

Matthieu 16:24 Iomraidhean Croise

Matthieu 10:38

One asatsua gésumuge sedi sowa na akea nzéepo n’ami, angô asangatetu mbe, mômami.

Matthieu 27:32

Vamakeahngô amawanya gô nzéa na môsi Cyrène, inedi Simon. Migodemie ahmamôtindéga gôétsua gésumuge géngayôhu Jésus.

Marc 10:21

Jésus amamôbono na gényônga. Angô mbe: Gôndé éwe gôsanéyi ébégô évo. Kiaka sômbédé éetso éndé n’ewe. Bonge dodeye ôkekabanéa misuga. N’ewe ôngaba n’okiti g’ôba. Na vane ôviga. Oka nzéepo n’ami.

Marc 15:21

Vamakeahngô ahmawanya na mômôgôô inedi Simon, amaviga gô tsagedi. Simon nene amabaka môsi tsenge étetu mbe Cyrène. Angô tétene aAlexandre na Rufus. Vamadengahngô Simon gô nzéa, migodemie ahmamôtindéga gôétsua gésumuge géngayôhu Jésus.

Marc 8:34

Na Jésus amabambéa géômbége n’aneengie na amavovo mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé géômbé gévo n’ami.

LUC TSANGO EAMOSOBA EMATENDA 14:27

One asatsua gésumuge sedi sowa na asakea nzéepo n’ami, angô asangatetu mbe môneengi ami.

LUC TSANGO EAMOSOBA EMATENDA 23:26

Vamakedahngô Jésus na gôngayôhu angô, môma môvo amavigaka gô tsaga yedi, te Simon môsi Cyrène. Oma amabambéa Simon gôétsua gésumuge géngayôhu Jésus. Amagétsua na amaanda Jésus gô ngima.

Jean 19:17

Jésus amapénda gô mbôka atsua gésumuge géngakomedu angô. Amakea na gô tungu ééndô mbe kokoh amôtsé. (G’ôgi ahébreu te Golgotha.)

Jean 21:19

Gô mavoviame mane Jésus ameevéda Pierre mônongoe owa ôngawaangô gô géneega saNzambé. Vane Jésus amatôma angô mbe: Oka n’ami nzéepo.

Jean 21:22

Jésus amavovo mbe: Okô me nanyôngéô mbe abé na monyo ngu na vanganika me, éne kaka ébégôe éoo. Ebégôe éoo te mbe, ômuene, kea nzéepo n’ami.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

1 Thessaloniciens 3:3

Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô.

II Timothée 3:12

Endé te nane. Muetso anyôngéô édigaa na égobeda Nzambé gô vitoone éndé wa n’anyô na Jésus‐Christ, angeena gékuanô.

I Pierre 2:21

Anye nômabambéô na Nzambé gôébibéda ékuanô. T’ebandô Christ amabibéda ékuanô gô gévénga sanyô. Amatubéda nane gômbe anye nôngamôaanda gô matambé medi gôésindéa maguga mamasindéa angô.