Matthieu 14:19 - New Testament in Mitsogo

¹⁹ Vane amatôma géômbége setso gôédigaa v’esingaa. Na amabongo mipembamie mitayi mine na tônyama tôbaé tagô mbéyi na amabôkaméa miso medi na g’ôba na amaduka Nzambé mate medi. Amabukua mipemba na ameetsa aneengie. Ahngô amamikabanéa n’oma muetso.

Matthieu 14:19 Iomraidhean Croise

Matthieu 14:18

Jésus amatôma ahngô mbe: Vigani n’eangô n’eva.

Marc 6:39

Na Jésus amatôma aneengie mbe: Digédaani oma muetso va tsina v’esinga tsôôgô tsôôgô.

Marc 6:41

Vane, Jésus amabongo mipemba mitayi na nyama dibaé yagô mbéyi. Amabokaméa na g’ôba gôéduka Nzambé mate medi. Amabukua mipemba. Ameetsa aneengie. Ahngô ahmamikaba n’oma muetso. Jésus amakaba nyama dibaé yagô mbéyi gôndé ahngô muetso.

Marc 7:34

Amabôkaméa na g’ôba na amavéguma na gégogomeo. Amavovo na mômôgôô mbe: Ephphatha. Evéndégéô mbe kukuga.

LUC TSANGO EAMOSOBA EMATENDA 22:17

Jésus amabongo gébunguge na amakuméda Nzambé gô sangô. N’angô mbe: Bongokoni gébungu gegé, anye nyuakani sangô.

LUC TSANGO EAMOSOBA EMATENDA 22:19

Jésus amabongo môpemba. Amakuméda Nzambé gô angô. Amabukua angô na ameetsa aneengie. Amanigôa ahngô mbe: Odôô te ôtôe ami ôétsiô gôndé anye. Indakani nane gôébangôa me.

LUC TSANGO EAMOSOBA EMATENDA 24:30

Vamadigaahngô va tabudé, Jésus amabongo môpemba na amakuméda Nzambé gô angô. Amabukua angô, na ameetsa akedi.

LUC TSANGO EAMOSOBA EMATENDA 9:14

Na gô pie amabaka te ayekani. (Otangôe waô ômabaka mavooe mitônisa mitayi miamôgôô.) Jésus amatôma aneengie mbe: Digédani ahngô tsôôgô épo nzima ditayi, tsôôgô épo nzima ditayi.

LUC TSANGO EAMOSOBA EMATENDA 9:16

Vane Jésus amabongo mipemba mitayi na tônyama tôbaé tagô mbéyi. Amabôkaméa miso medi na amaduka Nzambé mate gô éangô. Amabukua mipemba na ameetsa aneengie. Aneengie dôta ahmamikabanéa n’oma muetso.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

Jean 6:23

Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé.

Mayanzame 27:35

N’emana évovo nane, Paul amabongo mipemba na amakuméda Nzambé gô miangô va mbene oma muetso. Amamibukua na amaa.

Romains 14:6

One agobeda môsee, agobeda te gôéneegeda Kumu. One aa éetso, aa te gôénéégeda Kumu gôébégô akuméda Nzambé gô môyakôe wedi. One asaani, akina môyakô gôéneegeda Kumu na akuméda Nzambé.

I Corinthiens 10:16

Tasani gô gébunguge gématôétsô na Nzambé na tôduka mate medi gô sangô. Vatônyua gébunguge ége? ?gésatôvambéda évambevo na nzina yaJésus‐Christ‐a? Tasani dôta môpemba ôtôbukuani. ?Vatôaa angô ôsatôvambéda évambevo na ôtô aJésus‐Christ‐a?

I Corinthiens 10:31

Nômbiatsapéô. Buéyé mbe aakani buéyé mbe nyuakani, buéyé mbe indakani pati ébégô, indakani metso te gôékuméda Nzambé.

I Corinthiens 11:24

Vamamanangô ékuméda Nzambé gô angô amoobukua. Amavovo n’aneengi edi mbe: Odôô te ôtôe wami ômakitsôni ôbukuu gôndé anye. Indakani nane gôébangôa me.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.