Matthieu 13:41 - New Testament in Mitsogo

⁴¹ Me, Muana Amôma nangavigéda ayanzi ami, asi g’ôba gôésevoa ane akubéda akaô gôéénda mane mabévani, na abévie muetso, amôtôa ahngô va gatse ane andé g’ôkumue wami.

Matthieu 13:41 Iomraidhean Croise

Matthieu 13:49

Engaba te mônongovo v’ekôdéô éatsenge. Asi g’ôba ahngavigédu na Nzambé gôétatôa ane abévani n’ane ahndé n’etsimama.

Matthieu 18:7

Gôndéké va tsina éva mane mabôméda môma gôéyanza mane masanyôngéô Nzambé. Tsina nedué édaga te gô mangô. Mabômiame mandé mayekani na masakôdéaka. Ivô ti gô maguga mandé na ône abôméda môkedi.

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Matthieu 3:12

Angô te mônongovo ga môma ookôa pôtô anganôtôa étutu na angakétéga pôtôye gô magobo. Ivô angatumba étutue gô soto géseemakani.

Matthieu 8:20

Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda.

Marc 13:27

Nangavigéda ayanzi aNzambé asi g’ôba gôékôkéga muetso ane ahmasevôu na Nzambé. Ahngaviga gôtsiga kômbéne na gô pénda yangô na gésa na gésa.

Romains 2:16

Metso mane mangeenanô nyee ôngatsundéda Nzambé na Jésus-Christ, atsundéda mabégô mamasuégu gô mitéma mioma. Te éne éôkanô gô Tsangô Eamôsôba éékéda me Paul.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Gétsutsuéô 21:27

Ivô gô môsengee ône gôsangeengéa ta na sôma gévo sevindô, ta na môma môvo andé n’esima éasagô na éadiboe. Ane angeengéani te ane andé na mine maô mamatendu gô miganda miamonyo, te migandamie mikeneo na Môpagee.