Matthieu 13:23 - New Testament in Mitsogo

²³ Avo ahgono na totone éamôsôba. Te ahngô amookô Mabégô NaNzambé na anigôgéô mangô, makuséda ésima éamisôba. Môvo môma te môkama, môvo nzima môtôba, na môvo te nzima ditatô.

Matthieu 13:23 Iomraidhean Croise

Matthieu 12:33

Okô ônyôngéô édiia miônda miamisôba ôkenea te géétété samôsôba. Okô ôkenea géétété gébévani ôngaba na miônda mibévani. Géétété gémenyanganô te gô mônongoe amiôndamie mibôta sangô.

Matthieu 13:8

Mivo mibie mimaago gô toto éamôsôba. Gévo géétété gémabôta kama na kama. Gévo te nzima môtôba. Gévo te nzima ditatô.

Matthieu 3:10

N’atsatsee géwangéô géka va mitamba mieetété. Eététée éetso ésabôta miônda miamisôba éngawangô na éngagunyu gô soto.

Matthieu 3:8

Gabôta géétété samôsôba miônda miedi miamisôba, anye kusédani ésima éamisôba étubéda mbe nômakoa mitéma gôéba wene mônongo oma.

Marc 10:15

Me nanôbeenda na gô pie mbe ône asasinga ôtômu aNzambé gasingéa ana angô, asangeengéa g’ôkumu aNzambé

Marc 4:20

Avo ahgono na toto éamôsôba. Te ahngô ahmookô Mabégô MaNzambé na ahkenea mangô, makuséda ésima éamisôba gô mitéma miaô. Môvo nzima ditatô. Môvo nzima môtôba. Môvo môkama.

LUC TSANGO EAMOSOBA EMATENDA 13:9

Mavooe gô géma gévigani géngabôta. Okô gésibôta, géngawangô.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

LUC TSANGO EAMOSOBA EMATENDA 8:8

Mivo mibie mimaaga gô toto éamôsôba. Mimakanda na mimabôta ga kaka miagétabé. Vamamana Jésus égunya tsavane, angô mbe: Anye nôndé na matô gôéôkô, ka te nôôkôkô-ma.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Jean 8:47

One eenda mbe Téta te Nzambé, anyôngéô éôkô te mane mavovo Nzambé. Géé anye, nôsanyôngéô éôkô mane mavovo Nzambé, t’ebandô neendi mbe tétanyô kaka Nzambé.

Mayanzame 16:14

Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.

Mayanzame 17:11

Mitéma miasi Bérée misibaké gandé mine miasi Thessalonique. Asi Bérée amanyôngéô éôkô Mane Mamavovo Nzambé, ti nyôngéô. Pitsi yetso amavasa Matendeo MaNzambé gôéwanyeda meekédume maPaul na mane mamatendu na mbeego, ôkô mbe mandé te kuanakue.

II Corinthiens 9:10

Nzambé asabômu eetsa mbôtô gôndé môgaabi na môyakô gôémôbôngôa. N’angô dôta asabômu eetsa anye nyene mbôtô éne ényôngéô anye égaaba gôndé akanyô. Na Nzambé ayekeda éne émagaabôni gômbe géenzage géngeetsanye géngayeka gayeka miônda mibôta géétété.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 4:17

Kaka mbe nabuta éetsô éôma ôbiia. Ivô nanyôngéô mbe anye nôséngu na Nzambé ôséngu veetsanye gébé na ninga.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 1:6

Tsangô Eamôsôba étsanzabana gô tsengeye yetso yava tsina. Ebuéda oma mabégô medi mamisôba gamabuéda yangô mangô na gôndé anye. Mabégôme mane mamisôba mandéké n’anye bandôa gô nyee ômapanganye éôkô mbe: Nzambé eena môma te ngeba. Na vane nômabandôa émenya na gô pie gakegea ngebaye dine.

1 Thessaloniciens 4:1

Ana aTétee asi mbumu éaNzambé, nômani émenya môdigédi na ésima éamisôba ényôngéô Nzambé. Na gô pie nôdigaa te gô angô. Ivô deo noo nanôtôma, na nanôgondo gô ina aKumu Jésus mbe, ombani ényepeda mônongoe wanyô.

II Thessaloniciens 2:10

Angayanza na mabégô mabévani gô minongo mietso gôébôméda ane andé gô nzéa éebungana. Ane akea gôébungana gôébégô asinyôngéô na asivambé na mabégô mapie mamabaka na ngudi gôéoboo ahngô.

Hébreux 4:2

Gôébégô wa n’anyô tômani éékédu Tsangô Eamôsôba mônongovo gameekédu ane amakénga gô tsenge émagasani. Buéyé vamookô ahngô yangô ésibé na tsoongo gô mitéma miaô te gôsiwanyé yangô na môténdéda gô mitéma miaô.

Hébreux 6:7

Totone éamôsôba te éne émina meba mayekani mambuua gôékandéda môyakô gôndé môgaabine ambôtône. Mate maNzambé mandéké gô toto nene.

Hébreux 8:10

Kumu amavovo mbe: Nôeni évambee éamôbaé éngavamba me n’eongo éaIsraël Vangabuéa ndéône, me Kumu nangakoa matasa maô mbe angamenya pepe mitôma miami. Nangatenda mige na mitôma miami gô mitéma miaô. Me nangaba Nzambé aô, n’ahngô angaba omami.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.