Matthieu 13:21 - New Testament in Mitsogo

²¹ Ivô ahgono na géétété gésaba na ngangi. Ahngô asaba na môvinéné. Vaviga maguga na vabuéa gékuanô gô Mabégô MaNzambé, ahngô ahsasipa.

Matthieu 13:21 Iomraidhean Croise

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 11:6

Ti gô gényônga géndé n’ewe ômeetsa me môtémoo wetso, na ôsakuéa gékôba gôénika na gô ngima.

Matthieu 13:20

Avo agono na totone éamataé émaaga mibiemie. Oôkô Mabégô MaNzambé na asinga mangô na gényônga gévôni.

Matthieu 13:57

Matasa maô mamawéa Jésus ngusu, na oma ahmamôtsuma paga. T’ebandô Jésus amavovo n’ahngô mbe: Môpandôédi amatasa maNzambe agobedu tsengene nyetso, géé gô mbôkedi asagobedu. Béyé n’asi mbumu edi asagobeda angô.

Matthieu 13:6

Ivô vamatsiga ômandee, mibeendimie mimasinégéa. Gôsitibéké totone, ngangiye gébé na meba, mibeendimie mimawa.

Matthieu 24:13

Ivô ône angasipa gô Mabégô MaNzambé ngu na v’ekôdéô, angagoobou.

Matthieu 26:31

Jésus ameevéda aneengi edi mbe: Ti éne éngabuéa gôndé me na pitsine, anye nôngatsika me. Te gatôtanga gô Matendeo MaNzambé mbe: Môkeneyi amandombo angayôhu. Na mandombome mangapanzangana metso.

Matthieu 26:33

Pierre angô mbe: Béyé mbe akasô agôtsikéké, gôndé me tsangagôtsika.

Marc 4:17

Ivô agono na géétété gésaba na ngangi, ahngô asaba na môvinéne. Vaviga maguga na vabuéa gékuanô gô Mabégô MaNzambé ahngô Asasipa.

LUC TSANGO EAMOSOBA EMATENDA 8:13

Mibiemie miagô mataé te gandé oma ookô meekédume na ahsinga mangô na gényônga. Na mabégô masasipa gô mitéma miaô. Ahkenea mabégôme te pesu andéô. Nyaa apanda ôkanégu angô ahtsika mangô na ahnika na gô ngima.

Jean 6:26

Jésus amabika n’ahngô mbe: Nanôbeenda na gô pie mbe anye nôbuta me te gôngutédi me anye na mipembamie. Nôsabuta me gôeni anye ngudi yaNzambé.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:12

Ane ayanza mamisôba gô nyemo éanguene te ahngô anôtindéga gôégeetu. Angô eenda nane te gôbusugahngô gékuanô sowa aChrist ômawa angô gô gésumuge.

Galatie 6:15

Ogeetuyee, ôsageetuyee ésaba ébégô. Ene éndé ébégô évôni te gôékoga pepe wene mônongo amôma.

Ephésiens 3:17

Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

Philippiens 1:6

Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ.

II Timothée 1:15

Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Jacques 3:2

We muetso tôénda ôési aminongo minongo. Okô môma asapônga gô mavovia te môma apie. Te angô atôma ôtôé wedi wetso gébé n’oési.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.