Matthieu 13:19 - New Testament in Mitsogo

¹⁹ Ane ookô veekédu mabégô mokumu aNzambé, na ahngô asanigôgéô mangô agono na totone éagô kôbangô anzéa émaaga mibie. Satan aviga gôéwata gô mitéma miaô mane mookiô ahngô.

Matthieu 13:19 Iomraidhean Croise

Matthieu 12:26

?Okô Satan agenya gô mane maamuene ôkumue wedi ôngadôôkanô nayee?

Matthieu 13:20

Avo agono na totone éamataé émaaga mibiemie. Oôkô Mabégô MaNzambé na asinga mangô na gényônga gévôni.

Matthieu 13:38

Tsagane te tsina nedué. Mibiemie miamisôba te ane agobeda Nzambé. Te asi ôkumu edi. Etutu émakandani ébévani te ane agobeda yabédé.

Matthieu 4:23

Jésus amakénga gô Galilée nyetso. Ameekéda gô yeba yewanyéô. Ameekéda Tsangô Eamôsôba éokumu aNzambé. Amadôngéda oma amabaka na mabeea maminongo mietso.

Matthieu 5:37

Ene ésinganye singani mbe: Ii, gésongé môsongia. Ene ékinanye, kinani mbe: Aé, gésongé môsongia. Te Satan atôma oma gôésongéa misongia.

Marc 4:15

Avo oma agono na toto éagô kôbangô anzéa émaaga mibiemie. Vookô ahngô mabégôme, tsina na tsina Satan aviga gôéwata mangô gô mitéma miaô.

LUC TSANGO EAMOSOBA EMATENDA 10:9

Dôngédani ane angadenganye abeeani. Nigôani kumu yambôka mbe: Okumu aNzambé ôweseyi na gôndé anye.

LUC TSANGO EAMOSOBA EMATENDA 9:2

Amatôma ahngô gôéékéda Tsangô éokumu aNzambé na gôédôngéda abeeyi.

Jean 18:38

Pilate amamôévôa mbe: ?Mane mapie, mandé? N’emana évovo nane, Pilate amoomba ékusa gô ebedi gôévovo n’Ajuif. Angô mbe: Me tsiena ébégôe mbe mômôgôône ôdôô ayôhu.

Jean 8:43

?Anye nôsanigôgéô mane manigôa me anye nayee? Anye nôébakanédu kabaga nômookô.

Mayanzame 17:32

Vamookô omee ane Paul ateta ébégô éagékundugéô sowa, avo amamôdeta. Avo dôta ameenda mbe: Ongoomba énigôa we ébégôe éne nyene kuka.

Mayanzame 18:15

Ivô éne ésundanye éne, te mavoviame, te miname, na te mige mianyô. Ebégôe éne te éanyene. Me nakina étsundéda mônongoe ebégôe éne.

Mayanzame 20:25

Me namoota va gatse anyô gôéékéda mabégô mokumu aNzambé. Menyani mbe nôsangadôomba éena ôsôe wami éva.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Romains 1:28

Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 2:8

Ane akina Nzambé na akékôa mabégô medi mapie na asuméa keaga gô mane mabévani, Nzambé angatubéda ahngô ôbagee wedi na ôpisedi na ôvembee wedi.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

II Thessaloniciens 2:12

Vane muetso ane asiitsé mitéma miaô gô mane mapie, ivô ameena gényônga gôétsôkéa mane mabévani, angakea gôébungana.

Hébreux 2:1

Gôébégô éagéobogeo sasô n’anyô te buedi mbe wa n’anyô tôtsôpéni na ngudi mabégô mapie matôôkôni. Kabaga tôyungédu tôkea gôédimbana.

I Jean 3:12

Tômbiaba gamabaka Caïn, angô amabaka môma atômu na yabédé, amayôha muanayeedi. ?Amamôyôha gôndé? Te gôébégô mane mameendaka Caïn mamabaka mabévani, géé mane mamuanayeedi mamabaka manyepani meetsimama.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.