Matthieu 13:17 - New Testament in Mitsogo

¹⁷ Me nanôbeenda na gô pie mbe ayekani apandôédi ambeego amatasa maNzambé, n’avo oma amatsimamani aNzambé, amanyôngéô éena éne éenanye deo noo. Ivô ahngô asiene. Amanyôngéô éôkô mane mookô anye deo noo, ivô ahngô asiôkô.

Matthieu 13:17 Iomraidhean Croise

LUC TSANGO EAMOSOBA EMATENDA 10:23

Vane Jésus amagéngôga gôébono aneengie. Amavovo n’ahngô mbe: Ti gô gényônga géndé n’anye, nôena mabégôme meenanye.

LUC TSANGO EAMOSOBA EMATENDA 10:24

Nanôbeenda mbe, apandôédi ayekani ambeego amatasa maNzambé, n’atômi atsenge amanyôngéô éena éne éenanye pitsi yedi. Ivô ahngô asiene. Amanyôngéô éôkô mane mookô anye, ivô ahngô asimookô.

Jean 8:56

Tétanyô Abraham amanyima gévigéô sami. Ameena sangô na amatsôkéa.

Hébreux 11:13

Omeaa muetso ameetsa Nzambé mitéma miaô gébé na paga na amawa gédiié éne ématéndédahngô. Gô môténdéda ahmeena gôdagôda éne émeenéa ahngô na ahmatsôkéa. Ahmanigôa mbe: We tôndé agenda na akeyi amôtôô gô tsenge nedué.