Matthieu 13:11 - New Testament in Mitsogo

¹¹ Jésus amaabéa angô mbe: Mabégo masanigôgéô muetso mokumu aNzambé mameetsô te anye. Ivô adua asiitsô mangô.

Matthieu 13:11 Iomraidhean Croise

Matthieu 13:10

Annengie aJésus amawesea na vandé angô gôémôévôa mbe: ?Nayee ôékéda omeaa na tsava ditévô?

Matthieu 16:17

Jésus amanigôa angô mbe: Ti gô gényônga géndé na éwe Simon muana aJean gôébégô éne éapie ésupuyi éwe. Osibeendu éangô na môma. Otsigédiô éangô te na Téta, ône andé g’ôba.

Matthieu 19:11

Jésus amaabéa ahngô mbe: Kaka mbe oma muetso angoongôa ésinga ôgie ône. Ane angoongôa édigaa nane, te ane ameetsô ngudi na Nzambé.

Matthieu 20:23

Jésus angô mbe: Ii, na gô pie nônganyua gébunguge géngangyua me. Ivô gôndé me gôénôsevôéa édigaa, vo géeyo gégeto vo géeyo gémôgôô, ésaba gôndé me. Tunguye dindé yane amakônzéô yangô na Nzambé.

Marc 10:40

Gôndé me gôénôsevôéa édigaa, vo géeyo gégeto vo géeyo gémôgôô, ésaba gôndé me. Tunguye dindé yaane amakônzéô yangô na Nzambé.

Marc 4:11

Jèsus amaabéa mbe: Mabégô mokumu aNzambé masinigôganéô na mbeego mameetsô te anye. Ivô ane ahsaba gandé anye ahngookô mabégôme te gô tsava ditévo.

LUC TSANGO EAMOSOBA EMATENDA 8:10

Jésus amaabéa ahngô mbe: Mabégô masinigôgéôni na mbeego mokumu aNzambé mameetsô anye te mbe anye nômanigôgéô. Ivô gôndé avo ookô mangô te gô tsava yagétimbôanédu. Te gatôtanga gô Matendeo MaNzambé mbe: Ahngô abono, ivô aseena. Ahngô ookô, ivô asanigôgéô.

Jean 6:65

Jésus amoomba énigôa mbe: Nôeni ébandôe évovi me mbe gôsaba môma oongôa éwesea gôésinga me, amuene Nzambé gémôétsé tsôvé gôéwesea.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Mayanzame 16:14

Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

I Corinthiens 13:2

Buéyé mbe nabéyee na môgôô epandôéda ndongi diviga gôndé Nzambé, na me ôkô tsiba n’etondo éaNzambé gô môtémami me mbe te môma abobo. Buéyé mbe nabéyee n’eodo gôémenya metso moongôa môma émenya vawaa môma na vadônga môma na mavétô metso, na ôkô tsiba n’etondo éaNzambé gô môtémami me mbe te môma abobo. Okô nandé môtémovo na Nzambé gétsumé ngudi yedi paga navovo na môkôdie mbe: nôtôga vane na angô te nôtôga, na me ôkô tsiba n’etondo éaNzambé gô môtémami me mbe te môma abobo.

I Corinthiens 15:51

Nanôtsutsuéa éne éav’esooe ésinigôganéôni édué. Wa n’anyô tôsangawa muetso, ivô muetso tôngakou te kogu.

I Corinthiens 2:14

Môma, gamabôtu angô gô tsengene, asangoongôa énigôgéô mabégô mapie matsutsuu na Gédidi SaNzambé. Mabégôme mane mandé matsôga gôndé môma nône. Angô asangoongôa éôkô mangô. Mabégô MaNzambé maseeo te na Gédidi SaNzambé.

I Corinthiens 2:7

Me tsamenya éne éodo. Nanigôa te éodoe émabaka gav’esooe na Nzambé na ésinigôganéô n’oma. Na Nzambé amasevoa éangô mbeego na mbeego, tsinane madeo ésikanô. Ameesevoa gôndé wa n’anyô mbe tôngaba n’ondômbee wedi.

I Corinthiens 4:1

Mekedani we mbe we eekédi te ayanzi aChrist na te amuene ameetsa we ôtômu gôépandôéda Mabégô Mapie MaNzambé masinigôganéô na mbeego.

I Corinthiens 4:7

?One amanyepeda éwe mbe ôsaba gandé akoo indaa? ?Kaka Nzambé‐a? Eetso éndé n’ewe te Nzambé ameetsa éwe éangô. Endéké te nane. ?Onganyemôga ômuene gô éne éndé n’ewe nayee? ?Osidiié éangô éetso te ôbiia‐a?

Ephésiens 1:18

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.

Ephésiens 1:9

Amatômenyeda étasa émabaka n’edi ésinigôganéô na mbeego n’oma. Etasee te nzéane émanyôngéô angô ékônza gôndé wa n’anyô gô ngeba yedi gô ngudi yaChrist.

Ephésiens 5:32

Me Paul nanônigôa mbe ébégô édué éapie éndéké ébégô évôni ésinigôganéôkô na mbeego. Na étôékéda mônongovo gandé Christ na mbumune yedi.

Ephésiens 6:19

Vovoni na Nzambé gôndé me Paul mbe vakukua me mônyee wami mbe nangeetsô mavovia makuanakue na mbe nangavovo gébé na tsoyi gôémenyeda oma mabégô maTsangô Eamôsôba masinigôganéôkô na mbeego.

Colosses 2:2

Nagenya gôndé anye te mbe mitéma mianyô miyôé na bôkédé gébé na gomo, na mbe nôbaké muetso n’evambevo na vitoo. Na mbe nôbaké n’eodo éapie gôébégô éangô te ôkiti ôvôni ônôsuméda mitéma. Eodoe éne énômenyeda matasa maNzambé masinigôganéô na mbeego. Na mangô te amuene Christ.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

I Timothée 3:9

Abaké géaagané na mabégô mapie mameetsangô môtémedi gébé na paga. Adigéké géétsô ôési na muangee amôtémedi.

Jacques 1:5

Kôndi nane, ône asaba n’eodo aduké Nzambé éangô. Na Nzambé angamôétsa éangô. Gôébégô Nzambé eetsa na géneega gébé na misésu.

I Jean 2:20

Géé ti gôndé anye, nômeengéô na Gédidi SaNzambé géne gémapika Christ gôndé anye. T’ebandô anye muetso nôsabômu mane mapie.

I Jean 2:27

Géé ti gôndé anye, Christ amapika anye na Gédidi sedi. Gédidi sedi gémeengéa gô mitéma mianyô na nôsabuta môma gôénôékéda. Ekegea te nane. Gédidi SaNzambé génôékéda metso. Mane meekéda sangô te mapie kaka mooboe. T’ebandô bakani na vitoo na Christ na nôngagobeda meekédume maGédidi sedi.