Matthieu 12:50 - New Testament in Mitsogo

⁵⁰ Menyani mbe aneya vo iya te ane eenda éne ényôngéô Téta, ône andé g’ôba.

Matthieu 12:50 Iomraidhean Croise

Matthieu 12:49

Amatubéda n’ogogo edi aneengie amabaka n’edi, na amavovo mbe: Nôeni iya, nôeni n’aneya, te adua.

Matthieu 13:1

Nyoone Jésus amakusa gô eba, amakea gôédigaa gô kôbangô amubu gôéékéda.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 25:45

Kumu amaabéa ahngô mbe: Nanôbeenda na gô pie mbe kuka yetso disiwedéé anye anami, béyé mbe viana vigevige, anye nôsiwedéa te na me.

Matthieu 28:10

Jésus amasuméda ahngô mitémamie mbe: Nôneena gomo. Kiakani nôkebeenda ana aTétee n’ami mbe: Kiakani na gô Galilée. Nôngeena Jésus te gône.

Marc 3:35

Me nanôbeenda mbe aneya na iya te ahngô eenda éne ényôngéô Nzambé.

LUC TSANGO EAMOSOBA EMATENDA 8:21

Jésus amavovo na muetso mbe: Iya, n’aneya, te ane ookô ôgi aNzambé na agobeda angô.

Jean 15:14

Anye te wee yami yamôtéma ôkô nôéndi éne énôtôma me.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Jean 6:29

Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Mayanzame 26:20

Namapanga éékéda te asi Damas n’asi Jérusalem. Vane nameekéda na muetso gô tsenge ééndô mbe Judée, na dôta asi dipo tsenge. Nameekéda angô mbe: koani mitéma mianyô gôéba na wene mônongo amonyo. Géngôgani na gôndé Nzambé. Digaani na yanzani gôétubéda gakoyiô anye mitémamie.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

I Corinthiens 9:5

?Tsaba na ngudi yebaa môgeto môvo môma aChrist akénga n’ami geenda akasô‐a? Akasô amasevouni na amatômukuni, na dôta aneya aKumu Jésus n’amuene Pierre eenda te nane.

II Corinthiens 11:2

Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo.

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:15

Ogeetuyee, ôsageetuyee ésaba ébégô. Ene éndé ébégô évôni te gôékoga pepe wene mônongo amôma.

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

I Timothée 5:2

Ikéda gébôôtô samôgeto ti eembe te yoo. Ikéda tômbô ga kadi yoo gébé na matasa masagô.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

I Jean 2:17

Tsengene éôta te ôtaga. Na metso matsengene manyôngéô môma moota te ôtaga. Ivô ône eenda mane manyôngéô Nzambé andé na monyo agékôdéé.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.