Matthieu 12:32 - New Testament in Mitsogo

³² One eenza me, Muana Amôma, andé na ngudi yesingéô kokoo. Géé, ône eenza Gédidi SaNzambé asangasingéô kokoo buéyé bandôa ndéô nedué ngu na gô ndéô évigani.

Matthieu 12:32 Iomraidhean Croise

Matthieu 11:19

Me, Muana Amôma namaviga. Me naa. Me nanyua. Na oma avovo mbe: Bononi angô. Sedi gémba te aakagane, na sedi gémba te nyuakagane. Angô avamba n’abongi adepu n’oma abévani. Na Jésus angô mbe: Ivô éodo éaNzambé éenanô te gô éne éyanzangô na éodo éne.

Matthieu 12:31

T’ebandô nanôevéda mbe oma muetso ahngasingéô kokoo gô mabégô maô metso mabévani na buéyé na dienza yamavovia maô. Ivô Nzambé asasinga kokoo gôndé ône eenza Gédidi Samuene Nzambé.

Matthieu 12:8

Menyani mbe me Muana Amôma nandé kumu anyee edunda.

Matthieu 13:22

Avo te ane ahgono na tungune éndé kavanga. Ahngô ane te ane ookô Mabégô MaNzambé. Ivô matasa maô metso te mikebanganô miava tsina. N’ahngô ahbômédu n’onzôô okiti. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Matthieu 13:39

Môvingine agaaba mibiemie mibévani te yabédé. Mbôtône émoodoni éngasevou te v’ekôdéô atsengene. Asevôi ambôtône, te asi g’ôba avigédu na Nzambé na gô tsina.

Matthieu 13:40

Mônongovo gamasevou mabunza mabévani gôémagunya gô soto, te mônongovo gangaba v’ekôdéô éatsengene.

Matthieu 13:55

?Odôô kaka muana amôyanzine atimbema? ?Yeedi, kaka Marie‐a? ?Ka te mônône aJacques, na Joseph, na Simon na Jude?

Matthieu 8:20

Jésus amamônikéda mbe: Ngômba dindé na makii maô. Nyoyi dindé na mebu maô. Ivô me Muana Amôma, tsaba na gédigaa seebôga na seedunda.

Marc 10:30

angô angootéa édiia gô pitsi yedi. Vamatsikangô eba ôvo, angaba na môkama ayeba. Amatsika muanayeedi môvo, angaba na môkama aneyee. Na iyee te mônongovo. N’anee te mônongovo. Na tsagaye, te nane. Angadiia dôta gékuanô. Gô pitsiye yagô mbene angaba na monyo amôbô na môbô.

Marc 3:28

Me nanôevéda ébégô édué éapie mbe oma muetso ahngasingéô kokoo gô mabégô maô metso mabévani madienza yamavovia maô.

Marc 3:29

Ivô Nzambé asasinga kokoo gôndé ône eenza Gédidi Samuene Nzambé. Gô ébévee éne, môma angatsundédu na gô môbô na môbô.

LUC TSANGO EAMOSOBA EMATENDA 12:10

One eenza me Muana Amôma, andé na ngudi yesingéô kokoo. Géé ône eenza Gédidi SaNzambé asangasingéô kokoo.

LUC TSANGO EAMOSOBA EMATENDA 16:8

Buéyé gamabaka angô môyanzi môbévani, kooko edi amamôsénga te séngaga gô mangônzôme medi. Asi tsenge nedué, ane adigaa gô évitsi ootéa éyanza na mangônzô anguene n’anguene. Géé ane adigaa gô gévede asamenya mane.

LUC TSANGO EAMOSOBA EMATENDA 18:30

angô angootéa édiia gô pitsi yedi. Na gô pitsiye yagô mbene angaba na monyo amôbô na môbô.

LUC TSANGO EAMOSOBA EMATENDA 23:34

Jésus amasambéda mbe: Téta, singéa ahngô kokoo. Ahsamenya éne ééndahngô. Migode mimatséva na nzéké gôésevoa éduani éaJésus énganyôngéô angô.

LUC TSANGO EAMOSOBA EMATENDA 7:34

Me, Muana Amôma namaviga. Me naa. Me nanyua. Na oma avovo mbe: Bononi angô, sedi gémba te aakagane, na sedi gémba te nyukagane. Angô avamba n’abongi adepu n’oma abévani.

Jean 7:12

Oma muetso amoonguma anguene gô mane mameenda Jésus. Avo, ahngô mbe: Mômôgôô nône ayanza ti mamisôba. Avo dôta mbe: Aé, kaka nane. Abôméda oma ti bôméda.

Jean 7:39

Jésus amavovo nane gôépandôéda gangaviga Gédidi SaNzambé gôéengéa na gôndé ane eetsa Nzambé mitémamie miaô. Ivô gô ndéône ématemangô gôévovo, Gédidi SaNzambé gémabaka madeo gésisuma gôébégô amuene Jésus amabaka te madeo asikea na g’ôba gôndé Nzambé.

Jean 7:52

Akedi amamôdeta mbe: ?Tambô n’ewe muetso to môsi Galilée-a? Tangaka Matendeo MaNzambé. Ongeena mbe ta na môpandôédi môvo amatasa maNzambé amaviga gô Galilée.

Mayanzame 3:19

Tambô koani mitéma mianyô gôéba wene mônongo oma. Géngôgani na gôndé Nzambé mbe anônôtôa ébévee éanyô.

Ephésiens 1:21

Gône Christ, ône amasevouni, amadigédu gô ngongo aditômuye yetso, na ényangee éetso na ngudiye yetso na ôkumaka wetso. Na andé va ngongo aminame metso mangoongôa môma éteta, mane magô tsenge nedué na mane magô tsenge évigani.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.

I Timothée 1:15

Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

I Timothée 4:8

Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

I Timothée 6:17

Beenda ane andé n’okiti atsengene mbe: Nômbiaba na bopeeo. Beenda ahngô mbe aseetsa mitéma miaô na gô mônongo okiti ône ôgôgani na ôdimbanani, ivô eetse mitémamie miaô na gôndé Nzambé, ône atôétsa éetso gékuté, gôékasôgéda we mitéma.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.