Matthieu 12:28 - New Testament in Mitsogo

²⁸ Me nanôbeenda mbe nakuséda édidi ébévani te gô ngudi yaGédidi SaNzambé. Tambô kôngédani mbe ôkumu aNzambé ômasuma na gôndé anye.

Matthieu 12:28 Iomraidhean Croise

Matthieu 12:18

Nzambé amavovo mbe: Bononi môyanzine amasevoa me. Angô te ône wami amôtôma amiso. Me namônyôngéô na nzoo na gô môtéma. Gédidi sami géndé n’edi. Angeevéda asi tsengeye yetso mônongoe ôngatsundéda me ahngô.

Matthieu 12:29

Eba agengaa ôseesuégéaka amuene aboni nani buétsé nôpanga émôkata gésengo. Vane nôeesuaka.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Matthieu 21:43

Jésus amoomba évovo mbe: Nanôpandôéda mbe t’ebandô ôkumu aNzambé ôngawatô gôndé anye na ôngeetsô avo oma andé ga géétété gébôta miônda miamisôba minyôngéô kumu éagéétété, te ane angeenda éne ényôngéô môtômine okumue aNzambé. [

Matthieu 4:24

Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Matthieu 6:33

Pangani ébuta mane mokumu aNzambé na gôéénda éne ényôngéô angô, na vane angoomba énôkôndéga évo yôma ébutanye.

Marc 1:15

Amavovo mbe: Ndéône ébuéyi. Okumu aNzambé ôka gôpégôpé gôénôoboo. Koani mitéma mianyô gôéba wene mônongo oma. Itsani mitéma mianyô gô Tsangône Eamôsôba édué.

Marc 11:10

Te ôkumu aTétasô David. Asi g’ôba n’asi gô tsina muetso, tôkumédékéni Nzambé.

Marc 16:17

Menyani mbe ane eetsa Nzambé mitéma miaô ahngayanza émbégéa évôni étubéda ngudi yaNzambé. Embégéa te mbe ahngakuséda édidi ébévani gôndé oma gô inami. Ahngavovo gô yaanga yôgi disiikédu ahngô.

LUC TSANGO EAMOSOBA EMATENDA 10:11

Buéyé ébisi éatoto éambôkane éanyô, we tôduméda éangô gô makôdô masô. Ivô menyani mbe éébéyéé nane, ôkumu aNzambé ôweseyi na gôndé anye.

LUC TSANGO EAMOSOBA EMATENDA 11:20

Okô mbe te gô môsongosongoe aNzambé ôkuséda me édidi ébévani gôndé oma, tambô kôngédani mbe ôkumu aNzambé ômasuma na gôndé anye.

LUC TSANGO EAMOSOBA EMATENDA 16:16

Bandôa na Moïse ngu na Jean-Baptiste, te mipuma miyekani mimaneegedu mige miaNzambé mimatôtsikéô na Moïse. Mipuma miyekani dôta mimaneegedu matendeo mapandôédi amatasa maNzambé. Ene ngékô épo. Epo ngékô ébandôa gô ndéô éaJean-Baptiste. Gô ngékô nedué étondéni, Tsangô Eamôsôba éokumu aNzambé éôkanô. Muetso agémbana môma na môma gôéengéa g’ôkumue ône.

LUC TSANGO EAMOSOBA EMATENDA 9:2

Amatôma ahngô gôéékéda Tsangô éokumu aNzambé na gôédôngéda abeeyi.

Mayanzame 10:38

Nômookô gamakudéga Nzambé Gédidi Sedi na gôndé Jésus môsi Nazareth, gôémôétsa ényanga. Nôsabômu gamakénga Jésus gô tsengene nyetso. Amayanza mabégô manyônganéôni. Na amadôngéda ane amadigaa gô tsina otômu ayabédé. Gôébégô Nzambé asiaaganéké n’edi.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Colosses 1:13

Endé te nane. Amatôwata g’ôvéga ômatômuku we n’evitsi. Amatôengéda gôétômu na Jésus Muanedi amôtéma.

Hébreux 12:28

Tôkumédéni Nzambé na yôgiye yasô n’anyô gôébégô wa n’anyô tôngeengéa g’ôkumu amôbô na môbô. Na tôkumédéni Nzambé na gésoo sasô n’anyô gôéyanza éne ényôngéô angô gôémôgobeda na gomo.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.