Matthieu 12:25 - New Testament in Mitsogo

²⁵ Jésus amamenya matasa maô, na amaabéa angô mbe: Okô asi tsenge épo asaba n’evambevo, tsengene ésangadinga n’ebundangana. Na asi mbôkepo, asaganédana eembe na mbôkane épanzangani. Na eba te nane. Okô asi ebovo asaganédana eembe na mbumune étatôani.

Matthieu 12:25 Iomraidhean Croise

Matthieu 9:4

Jésus amamenya mane mamatasahngô gô mitéma miaô na ameevôa ahngô mbe: ?Anye nayee nôndé na mônongo amatasa mabévani?

Marc 2:8

Jésus amamenya mabégô metso mamatasa ahngô gô tsina yamitéma miaô na amavovo mbe: ?Nôndé n’one mônongo amitéma nayee?

Jean 21:17

Vane Jésus amamôévôa éne éamôtatô mbe: ?Simon, muana aJean ônyôngéô me-a? Pierre ameena panda gômeevôa Jésus angô kuka ditatô mbe: ?ônyôngéô me-a? Na amaabéa mbe: Kumu, gôsaba ébégô ésamenya éwe, ôsabômu mbe nagônyôngéô. Jésus angô mbe: Kenea mandombo mami.

I Corinthiens 2:11

Gôndé wa n’anyô oma te gédidi géndé na môma gésabômu metso mandé na môma nône. Gôndé Nzambé te mônongovo. One asabômu mane mandé na Nzambé metso, te Gédidi SaNzambé.

Galatie 5:15

Okô nôdigaa gadigaa nyama yagô pindi, nôbetana, nôbévanédana, wemani kabaga nôbunzana anyene n’anyene.

Hébreux 4:13

Gôsaba ta na môma ta na sôma, géngasomo va miso maNzambé. Eetso émakanôni na émavangôni éndé mônyenge gébé na gésomeo va mbene aNzambé. Na te gôndé angô mbe wa n’anyô muetso tônganigôa mane masô n’anyô.

Gétsutsuéô 16:19

Môsenge ôvôni ômatatôga dikabô ditatô. Yebaye yagô misengemie mietso miava tsina dimapanzéga. Nzambé amabangôa môsenge ôvôni ôéndô mbe Babylone. Nzambé amanyuéséda môsengee ône gébunguge s’opisedi ôsaba na ngeba.

Gétsutsuéô 2:23

Va ngongone vane nangayôha anedi. Na vane asi mbumu éaNzambé muetso ahngamenya mbe me navovoni ôdôô, te ône asabômu metso matasa môma na mane manyima môtémedi. Nangeetsanye môma na môma kuanakue n’ene émeendanye, môbévine angabévédu na mônyepine anganyepedu.